Saudiya Arabistonidagi o‘yma haykallar dunyodagi eng qadimiy yodgorlik deb topildi

Arabiston yarimoroli shimolidagi qoyalarga o‘yilgan 21ta tuya shaklidan tashkil topgan majmua 2018 yilda aniqlangandi.

Foto: AFP

Arxeologlar Saudiya Arabistonidagi Tuyalar turargohi arxeologik obektining yoshini qaytadan o‘rganishdi va u dunyodagi eng qadimiy yodgorliklardan biri ekanligini aniqlashdi, deb yozadi BBC.

Arabiston yarimoroli shimolidagi qoyalarga o‘yilgan 21ta tuya shaklidan tashkil topgan majmua 2018 yilda aniqlangandi. O‘shanda obekt yoshi eramiz boshlariga to‘g‘ri kelishi aytilgandi.

Ammo qirol Saud universiteti, Germaniyadagi Maks Plank instituti va Fransiya ilmiy tadqiqotlar markazi olimlari haykallar yetti-sakkiz ming yil avval ishlanganini ta'kidlamoqda.

Bu esa ularning yoshi Stounxenj va Misr ehromlarinikidan ham kattaroq ekanligini bildiradi.