16:37 / 18.09.2021
3625
Хитойда CITIC Group собиқ директори пора олгани учун 18 йилга қамалди

Чжао Цзинвэн шунингдек, 3,2 млн юан (495 минг доллар) миқдорида жарима ҳам тўлашига тўғри келади.

Фото: VCG

Хитойдаги Чанша шаҳри суди CITIC Group инвестицион корпорациясининг собиқ ижрочи директори Чжао Цзинвэнни 18 йилга озодликдан маҳрум этиш тўғрисида ҳукм чиқарди. Бу ҳақда Хитой марказий телевидениеси хабар берди.

Қайд этилишича, у пора олиш ва коррупцияда айбдор деб топилган.

Чжао Цзинвэн шунингдек, 3,2 млн юан (495 минг доллар) миқдорида жарима ҳам тўлашига тўғри келади.

Ҳукмда айтилишича, собиқ директор "қилган жиноятларига иқрор бўлгани ва пушаймонлик билдиргани, ноқонуний равишда ўзлаштирган маблағларни қайтаргани учун" унга юмшоқроқ жазо берилган. 

Расмий маълумотларга кўра, Хитойда 2012 йилдан буён 4,1 миллиондан ортиқ киши коррупция бўйича жазога тортилган.

Top