08:05 / 07.10.2021
21643
Тошкентда «Спарк» ҳайдовчиси ЙТҲ юзага келтириб, воқеа жойидан кетиб қолди

Ижтимоий тармоқларда "Спарк” ҳайдовчиси сабабли “Кобальт” ҳайдовчиси пиёдани уриб юборгани ҳақида видео тарқалди. ИИВ ЙҲХББ ҳолат юзасидан маълумот берди.

Жорий йилнинг 3 октябрь куни соат 11:00ларда, Тошкент шаҳар, Бектемир тумани ТҲАЙ кўчасида ҳайдовчи, 1972 йилда туғилган К.К. "Кобальт" русумли автомобилда ҳаракатланаётган вақтда, қайрилиб олиш жойида йўлига чиқиб кетган "Спарк" автомобилига урилиб кетмаслик мақсадида рулни ўнг томонга бурган ва йўл четида турган пиёда, 1987 йилда туғилган П.Б.ни уриб юборган.

Натижада, пиёда П.Б. тан жароҳати билан шифохонага мурожаат қилган.

Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилиб, ҳолат содир бўлишига алоқадор бўлган "Спарк" русумли автомобиль ҳайдовчисини аниқлаш чоралари кўрилмоқда

Top