Osiyo chempionati U-23 saralashi. O‘zbekiston Toshkentda Saudiya bilan durang o‘ynadi

 Toshkentda Osiyo chempionati U-23 saralashi 1-tur bahslariga start berildi. «Paxtakor» stadionida kechgan dastlabki bahsda O‘zbekiston Saudiya Arabistoniga qarshi maydonga chiqdi.

Uchrashuvning 40-daqiqasida mehmonlar jamoamiz darvozaboni Vladimir Nazarovning qo‘pol xatosidan keyin hisobni ochgan bo‘lsa, bo‘lim yakunida Otabek Jo‘raqo‘ziyev hisobni tenglashtirdi – 1:1.

Ikkinchi bo‘lim boshida saudiyaliklar himoyachilarning qo‘pol xatosidan keyin yana hisobda oldinga chiqib olishdi. 79-daqiqada esa Jasur Jaloliddinov penaltidan farqni yo‘qqa chiqarib, yakuniy natijani o‘rnatdi – 2:2.

Ma'lumot uchun, Temur Kapadze boshchiligidagi O‘zbekiston yoshlar jamoasi ushbu saralash bosqichidagi natijadan qat'i nazar, keyingi yil O‘zbekistonda o‘tadigan Osiyo chempionatida mezbon sifatida to‘p surishadi. 

Osiyo chempionati U-23 saralashi. 1-tur
Saudiya Arabistoni – O‘zbekiston - 2:2
Toshkent, «Paxtakor» stadioni.
Hakam: Yusuke Araki (Yaponiya).
Gollar: Otabek Jo‘raqo‘ziyev 45, Jasur Jaloliddinov 79 - Hamad Abdulloh Al G‘amdi 40, Abdulmuhsin Al Qahtoni 47.
Saudiya Arabistoni: 22.Abdulrahmon Al-Shammari, 4.Xalifa Ad-Davsari, 5.Jihod Tikri, 8.Hamad Abdulloh Al-G‘amdi, 12.Navof, 14.Mansur Al Beshi, 15.Husayn Ahmad Al-Isso, 16.Ziyod Muborak Al-Jahoni, 19.Abdulloh Al-Hamdon, 20.Muhammad Al-Kunaydri, 23.Abdulmuhsin Al-Qahtoni.
O‘zbekiston: 12.Vladimir Nazarov, 2.Saidazamat Mirsaidov, 4.Abubakr Rizo Turdaliyev, 5.Muhammadqodir Hamraliyev, 7.Xojimat Erkinov (9.Ulug‘bek Hoshimov, 60), 10.Jasur Jaloliddinov, 11.Otabek Jo‘raqo‘ziyev, 17.Diyor Xolmatov, 19.Hamid Rustamxonov, 20.Diyorbek Rahimqulov, 22.Alisher Odilov.
Zaxira: 1.Shukron Yo‘ldoshev, 21.Hamidullo Abdunabiyev, 3.Asliddin Toshtemirov, 6.Temur Mamasidiqov, 8.Davron Anvarov, 13.Eldor Begimov, 14.Bektemir Abdumannonov, 16.Abbos Fayzullayev, 18.Sunnatillo Hamidjonov, 23.Abdurauf Bo‘riyev.