Osiyo chempionati-U23 saralashi. O‘zbekiston Bangladeshga 6 gol urdi

 Osiyo chempionati-U23 saralashi 2-turi doirasida Temur Kapadze boshchiligidagi O‘zbekiston yoshlar jamoasi bangladeshlik tengqurlari ustidan yirik hisobda zafar quchishdi.

Birinchi bo‘limda 4ta, ikkinchi bo‘limda 2ta gol kiritgan yoshlarimiz Bangladesh ustidan 6:0 hisobida g‘alaba qozonishdi.

Birinchi turda o‘zbekistonliklar saudiyaliklarga qarshi o‘yinda 2:2 hisobida durang qayd etgandi.

Ikkinchi turning ikkinchi uchrashuvida Kuvayt Saudiyani 2:1 hisobida mag‘lub etdi va 6 ochko bilan guruh peshqadami bo‘lib oldi va chempionat yo‘llanmasini naqd qildi. Temur Kapadze shogirdlari esa ochkolari sonini 4taga yetkazib, guruhda ikkinchi o‘rinda bormoqda.

Ma'lumot uchun, O‘zbekiston yoshlar jamoasi ushbu saralash bosqichidagi har qanday natijaga qaramay, keyingi yil Toshkentda o‘tadigan Osiyo chempionatida (U-23) mezbon sifatida to‘g‘ridan to‘g‘ri yo‘llanmaga ega chiqqan.

Osiyo chempionati-U23 saralashi. 2-tur
O‘zbekiston U23 - Bangladesh U23- 6:0
Hakam: Muhammad Mufid (Iordaniya)
Gollar: Ulug‘bek Hoshimov 12, Eldorbek Begimov 15, Ulug‘bek Hoshimov 16, Asliddin Toshtemirov 27, Abbosbek Fayzullayev 64, Alisher Odilov 88.
O‘zbekiston U23: 1.Shukron Yo‘ldoshev, 3.Asliddin Toshtemirov, 6.Temur Mamasidiqov (7.Hojimat Erkinov, 62), 8.Davron Anvarov, 9.Ulug‘bek Hoshimov (17.Diyor Xolmatov, 82), 13.Eldorbek Begimov, 14.Bektemir Abdumannonov (22.Alisher Odilov, 62), 15.Odilbek Abdumajidov, 16.Abbosbek Fayzullayev (10.Jasur Jaloliddinov, 75), 18.Sunnatilloh Hamidjonov, 23.Abdurauf Bo‘riyev (20.Diyorbek Rahimqulov, 62).
Bangladesh U23: 1.Pappu Hussayn, 2.Rahmat Mia, 3.Tutul Badsha, 4.Yosin Arafat, 5.Riyodul Hasan, 6.Manik Hussayn Mulla, 7.Faysal Ahmad Fahim, 8.Mahraz Hussayn, 10.Mahbubur Rahmon (20.Enamul Islam G‘ozi, 87), 12.Yusuf Zulqurnayn Xoqu, 18.Ridoy (14.Abu Shahid, 88).