Serbiyada ötayotgan boks böyiça jahon çempionatining 30 oktabr kungi bahslarida tört nafar boksçi ringga çiqdi.
Dastlab Nodirjon Mirzahmedov (-48 kg) va Odiljon Aslonov (-80 kg) irlandiyalik va italiyalik raqiblarini yengib, mos ravişda çorak final va nimçorak finalga yöl olgandi.
Keçki dasturda yana ikki özbekistonlik - Mujibillo Tursunov (-63,5 kg) va Saidjamşid Ja'farov (-75 kg) 1/16 final doirasida ringga çiqdi.
Mujibillo Tursunov yaponiyalik Tayga Imanagaga qarşi ringga çiqdi. Har uçala raundda ham faol harakat qilgan Tursunov yakunda raqibidan 5:0 hisobida ustun keldi va nimçorak final yöllanmasini naqd qildi.
Saidjamşid Ja'farov ham yaponiyalik Yuito Marivaki bilan jang qildi. Uç raund davomida töliq ustunlik qilgan Saidjamşid yakunda raqibiga heç qanday imkoniyat qoldirmagan holda 5:0 hisobida ğalaba qozonib, 1/8 finalga ötdi. Keyingi bosqiçda unga ozarboyjonlik Kozimjoda Mirşarif raqiblik qiladi. Jang 1 noyabr kuni bölib ötadi.
