Surxondaryoda yer sotishini aytib fuqaroning 29 million so‘m pulini o‘zlashtirgan shaxsga jinoyat ishi qo‘zg‘atildi

Ma'lum qilinishicha, 2021 yil 5 oktabr kuni Bandixon tumanida yashovchi, S.S. Denov tuman IIBga ariza bilan murojaat qilgan. Uning arizasiga ko‘ra, 2019 yil avgust oyida, o‘ziga tanish bo‘lgan, Denov tumanida yashovchi, N.J. o‘ziga tegishli 5 sotix yerni 30 million so‘mga sotishini va hujjatlashtirib berishini va'da qilib, jami 29 million so‘m pullarni olgan. So‘ng ushbu 5 sotix yerni S.S.ning nomiga hujjatlashtirib bermasdan, pullarini o‘zlashtirib ketgan.

Qayd etilishicha, joriy yil 14 oktabr kuni Denov tumani IIB tomonidan N.J.ga nisbatan Jinoyat kodeksining 168-moddasi 2-qismi «a» bandi bilan jinoyat ishi qo‘zg‘atilgan.