Surxondaryoda mast fuqaro to‘yda mahalladoshini pichoqladi

Surxondaryo viloyati Oltinsoy tumanida mast fuqaro to‘yda mahalladoshini pichoqlagan. Bu haqda viloyat IIB axborot xizmati xabar bermoqda.

Ma'lum qilinishicha, 2021 yil 16 oktyabr kuni soat 21:30 larda Oltinsoy tumanida yashovchi X.S. tanishi N.E.ning yashash uyida bo‘layotgan to‘yga borgan. U yerda spirtli ichimlik iste'mol qilib mast bo‘lgan va mahalladoshi, T.I. bilan o‘zaro janjallashib qolgan.

So‘ng, yonida olib yurgan pichoq bilan T.I.ning ko‘krak qafasiga bir marotaba sanchib olib, tan jarohati yetkazgan.

Qayd etilishicha, joriy yil 19 oktyabr kuni X.S.ga nisbatan Jinoyat kodeksining 277-moddasi 2-qismi «v» bandi bilan jinoyat ishi qo‘zg‘atilgan.