AQShning Kolumbiya, Kornell va Braun universitetlari portlatish tahdidi haqidagi xabarlardan keyin o‘z kampuslarining bir qismini evakuatsiya qildi.
Foto: Reuters
Kolumbiya universiteti bir nechta binosida portlatish tahdididan keyin butun kampusi bo‘yicha favqulodda ogohlantirish e'lon qilgan.
Kornell universiteti Twitter’da va o‘z veb-saytida ogohlantirish e'lon qilib, talabalar va kampus xodimlarini xavfsiz joyga ko‘chishga chaqirgan.
Braun universiteti ham tahdidlardan keyin o‘z kampusining bir qismini evakuatsiya qilgan. Ta'kidlanishicha, politsiyachilar voqea joyida tergov ishlari olib bormoqda.
Uchala universitetda ham politsiya binolarni ko‘zdan kechirib chiqqan va hech qanday tahdidni aniqlamagan.
Hozircha ushbu tahdidlar ortida kim turgani va ular bir-biri bilan bog‘langani noma'lum.
