Sobiq inspektor Quva tuman IIB boşliğining örinbosari ustidan arz qildi

Rahbarlar özaro kelişgan holda xodimlarga nisbatan tadbirlar uyuştirişadi. Pul berib kirgiziş masalalari böyiça. Vaholanki, bu tadbirlar qonunga zid ravişda bölmoqda. Uşbu tadbir davomida boşqa heç bir davlat organi – DXX, prokuratura, Iqtisodiy jinoyatlarga qarşi kuraşiş departamenti qatnaşmaydi. Yoki kimyoviy işlov berilgan pullardan foydalanilmaydi. Tadbirning ertasiga Öz xavfsizlik xizmati keladi va holatni tasdiqlaydi. Profilaktika inspektorlari ezilib ketyapti. Dardini kimga aytişni bilmaydi”, – deydi Nozimjon Nişonov.

Video davomida yuqoridagi içki işlar mulozimining qandaydir yiğilişda aytgan sözlari yozib olingan audioyozuvni ham eşitiş mumkin. Audioda mayor Ahmadjonov ekani aytilayotgan şaxs profilaktika inspektorlari bir kunda bitta ham maşinani jarima maydonçasiga olib kira olmasligi, hatto bitta “budka”niyam joyidan qözğatolmasligini aytgan. Şuningdek, audioda ovoz egasi şaxsiy tarkib oldida qaysidir voqeani eslab, sökingani ham eşitilgan.

Sobiq profilaktika inspektorining aytişiça, Ahmadjonovning qonunga zid xatti-harakatlari jazosiz qolib kelmoqda. Jumladan, u karantin davrida tadbirkorni haqoratlagani, tuman hokimi örinbosarini kaltaklab tan jarohati yetkazgani, biroq Quva tuman IIB boşliği özining örinbosariga nisbatan heç qanday çora körmagani aytiladi.

Içki işlar vazirining matbuot kotibi Şohrux Ğiyosov internetda tarqalgan videomurojaat böyiça izoh berarkan, Nozimjon Nişonovning Quva tumani IIB rahbariyatining noqonuniy harakatlari böyiça tarqatayotgan vajlari örnatilgan tartibda tekşirilib, holatga huquqiy baho berilişini bildirdi.

Içki işlar tizimida xodimlarga majburiy reja belgilangani oldin ham muhokamalarga sabab bölgandi. 2020 yilning iyulida ijtimoiy tarmoqlarda Olmazor tumani içki işlar organlari faoliyatini muvofiqlaştiriş boşqarmasi (avvalgi tuman IIB)da bölib ötgan majlisdan yozib olingani taxmin qilingan ovozli xabar tarqalgan, unda tuman IIO FMB HPB maxsus topşiriqlar böyiça inspektori podpolkovnik Farrux Xolov tumanda belgilangan reja tölmayotgani, fuqarolarga nisbatan juda kam ma'muriy bayonnoma tuzilayotgani, natijada Toşkent şahar IIBB boşliği örinbosari Mahkam Vafoyev boşçiligida ötgan katta majlisda e'tiroz eşitganini ta'kidlab, barça içki işlar organlari xodimlarini qattiq koyigan va har bir profilaktika inspektori turli moddalar böyiça kuniga 5tadan ma'muriy bayonnoma tuzişi haqida topşiriq bergandi.

Xolov ÖzA muxbiri bilan suhbatda uşbu ovoz öziniki ekanini tan olgan, biroq tuman içki işlar bölimida xodimlar uçun ma'muriy bayonnoma tuziş böyiça kunlik reja borligini rad etgandi.

Toşkent şahar IIBB holatga munosabat bildirib, podpolkovnik Xolovga nisbatan xizmat tekşiruvi belgilanganini aytgan bölsa-da, biroq tekşiruv natijalari haqida jamoatçilikka axborot taqdim etmagan.

Olmazor tumanida belgilangan reja tölmayotgani, fuqarolarga nisbatan juda kam ma'muriy bayonnoma tuzilayotgani uçun Farrux Xolovni koyigan Toşkent şahar IIBB boşliği örinbosari Mahkam Vafoyev 2021 yilning fevralida Olmazor tumani IIO FMB boşliği etib tayinlangandi.