Tergov departamenti tizimida yangi lavozim tayinlovlari amalga oshirildi. Bu haqda Tergov departamenti axborot xizmati xabar bermoqda.
Ichki ishlar vazirining buyrug‘i bilan Samarqand viloyati ichki ishlar boshqarmasi boshlig‘i o‘rinbosari - IIB huzuridagi tergov boshqarmasi boshlig‘i, polkovnik Ramazon Ashropov egallab turgan lavozimidan ozod etilib, Toshkent viloyati IIBB boshlig‘i o‘rinbosari - IIBB huzuridagi Tergov boshqarmasi boshlig‘i lavozimiga tayinlandi.
Shuningdek, Farg‘ona viloyati ichki ishlar boshqarmasi boshlig‘ining birinchi mintaqaviy hudud bo‘yicha vakili - mintaqaviy muvofiqlashtirish markazi boshlig‘i, podpolkovnik Elyorbek G‘aniyev egallab turgan lavozimidan ozod etilib, Namangan viloyati IIB boshlig‘ining o‘rinbosari - IIB huzuridagi Tergov boshqarmasi boshlig‘i lavozimiga tayinlandi.
Avvalroq, IIV tizimida ikkita lavozim tayinlovi amalga oshirilgandi.