Bayden Huawei va ZTE qurilmalaridan foydalanishni taqiqlovchi qonunni imzoladi

Qonunga ko‘ra, bundan buyon AQSh federal aloqa komissiyasi (FCC) Xitoy kompaniyalari qurilmalaridan foydalanish bo‘yicha hech qanday arizani ko‘rib chiqmaydi va tasdiqlamaydi.

Foto: Reuters

AQSh prezidenti Jo Bayden Xitoyning Huawei va ZTE kompaniyalari qurilmalaridan foydalanishni taqiqlovchi qonunga imzo chekdi.

Qonun loyihasi 28 oktabr kuni AQSh Senati, noyabr boshlarida Vakillar palatasi tomonidan ma'qullangandi.

Qonunga ko‘ra, bundan buyon AQSh federal aloqa komissiyasi (FCC) Xitoy kompaniyalari qurilmalaridan foydalanish bo‘yicha hech qanday arizani ko‘rib chiqmaydi va tasdiqlamaydi.

FCC komissari Brendan Karrning so‘zlariga ko‘ra, komissiya 2018 yildan buyon Huawei kompaniyasining 3 mingdan ziyod arizasini ma'qullagan.

Shuningdek, FCC Xitoy kompaniyalariga ilgari berilgan ruxsatnomalarni qaytarib olishi mumkin.

Mart oyida FCC Xitoyning beshta kompaniyasini milliy xavfsizlikka tahdid deb topgandi. Bular Huawei, ZTE, Hytera, Hangzhou Hikvision Digital Technology va Zhejiang Dahua Technology kompaniyalaridir.

#AQSh #ZTE #Huawei