«Rossiya va O‘zbekiston milliy xavfsizligi va Markaziy Osiyo mintaqasida barqarorlikni ta'minlashning dolzarb muammolari ko‘rib chiqildi. Koronavirus infeksiyasining tarqalishiga qarshi kurashish va sovet xalqlarining Ikkinchi jahon urushi davridagi jasorati bo‘yicha xotirani saqlab qolish bilan bog‘liq masalalarga alohida e'tibor qaratildi», deyiladi Rossiya Xavfsizlik kengashi matbuot xizmati xabarida.
Muzokaralar yakunida Patrushev va Mahmudov ikki davlat xavfsizlik kengashlari idoralari o‘rtasida milliy va mintaqaviy xavfsizlik bo‘yicha Rossiya-O‘zbekiston maslahatlashuvlarini ko‘zda tutuvchi 2022-2023 yillarga mo‘ljallangan hamkorlik rejasini imzoladi.
