Uchrashuv yakunida xalqaro axborot xavfsizligini ta'minlash yuzasidan hamkorlik bo‘yicha hukumatlararo Kelishuv hamda biologik xavfsizlik masalalarida o‘zaro tushunish bo‘yicha Memorandum imzolandi. Shuningdek, O‘zbekiston va Rossiya Tashqi ishlar vazirligi o‘rtasida 2022-2023 yillarga mo‘ljallangan hamkorlik dasturi imzolandi.
«2022 yil O‘zbekiston va Rossiya o‘rtasida diplomatik munosabatlar o‘rnatilganining 30 yilligi nishonlanadi. Biz hamkorlikda ushbu muhim sanani nishonlash uchun yirik ijtimoiy va madaniy tadbirlar o‘tkazish bo‘yicha maxsus dastur ishlab chiqdik», – deydi Abdulaziz Komilov.
Eslatib o‘tamiz, bugun, 19 noyabr kuni O‘zbekiston prezidenti Shavkat Mirziyoyev Rossiya prezidenti Vladimir Putinning taklifiga binoan Rossiyaga jo‘nab ketdi.
