Маълум қилинишича, фуқаро М.А. бошқа бир фуқаро С.ни танишлари ёрдамида Тошкент молия институтига иккинчи мутахассислик бўйича ўқишга киритиб қўйиш эвазига 1 700 АҚШ доллари сўраган. У келишилган пулни фирибгарлик йўли билан олган вақтида департаментнинг Бухоро вилоят бошқармаси томонидан ўтказилган тезкор тадбирда ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Олдинроқ 2 000 АҚШ доллари эвазига Бухоро давлат университетига ўқишга киритмоқчи бўлган шахс ушланганди.
