Portugaliyada mojaro, Turinda inqiroz, Xavida yana g‘alaba. Kun o‘yinlari yakunlari

Lissabondagi absurd

Avvaliga Portugaliya chempionatining 12-turi doirasida «Belenensesh» — «Benfika» o‘yini hech qaysi jihati bilan e'tiborni o‘ziga qaratmayotgandi. Autsayder turnir yetakchilaridan birini qabul qildi — bu har turda kuzatiladigan holat.

Ammo juma kuni «Belenensesh»da kovid bilan bog‘liq muammolar paydo bo‘ldi. Futbolchilarning 13 nafari, bosh murabbiy Filipe Kandidu, uning assistentlari va klubning ikki xodimi o‘zini ihotalash uchun yuborildi. Record gazetasi ma'lumotiga ko‘ra, klubdagilar markaziy himoyachi Txibanga Pxete koronavirusning yangi shtammini yuqtirib olgan bo‘lishi mumkin (noyabrda JAR terma jamoasining ushbu futbolchisi vatanida bo‘lib qaytdi, bu mamlakatda kovidning yangi mutatsiyasi — «omikron» avj olgan). Shu tufayli klub vakillari yoppasiga karantinga ketishdi.

Ushbu holat tufayli klub navbatdagi tur o‘yiniga to‘qqiz futbolchi topa oldi, shundan ikki nafari darvozabon edi. «Belenensesh»ning birato‘la olti futbolchisi shanba kuni chempionatda debyut qildi, tarkibning o‘rtacha yoshi taxminan 21 edi. 20 yoshli darvozabon Joau Monteyru o‘ng qanot himoyasida harakatlanishiga to‘g‘ri keldi.

«Benfika» esa asosiy tarkibni tushirdi va 24-soniyadayoq hisobni ochdi — «Belenensesh» himoyachilaridan biri o‘z jamoasi darvozasini ishg‘ol etib qo‘ydi. Bo‘lim davomida mehmonlar yetti gol urishdi, «Benfika»ning urugvaylik forvardi Darvin Nunes het-trik rasmiylashtirdi.

Tanaffus vaqtida kameralar «Belenensesh» prezidenti Ruy Pedru Soareshni namoyish etdi, u tribunalar osti hududiga ko‘zda yosh bilan chiqib ketdi.

Jamoa uzoq vaqt tanaffusdan qaytmadi — «Benfika» maydonga chiqib kelib, chigalyozdi mashg‘ulotlariga kirishgach, arbitr «Belenensesh» kiyim almashtirish xonasiga borganida mezbon klub futbolchilari maydonga chiqishdan bosh tortayotgani ma'lum bo‘ldi. Lekin ular baribir 20 daqiqalik kechikish bilan maydonga qaytishdi, ammo — yetti kishi bo‘lib. Arbitr o‘yinni davom ettirish uchun hushtak chaldi, «Belenensesh» futbolchilaridan biri esa to‘pni maydon tashqarisiga tepib yubordi va gazonga yotib oldi — u hakamga o‘ynay olmasligi haqida ishora qildi.

Assistentlar bilan maslahatlashgan arbitr o‘yinni to‘xtatdi. Futbol qoidalariga ko‘ra, jamoalardan birining tarkibidagi futbolchilar soni 7 nafardan kam bo‘lsa, o‘yinni davom ettirish mumkin emas. Endi «Belenensesh»ga texnik mag‘lubiyat yoziladi.

Angliya: Ramsdeyl yana qahramon

«Arsenal» — «Nyukasl» — 2:0 (Saka, 56. Martinelli, 66)

«Manchester Siti»dan 0:5 hisobidagi mag‘lubiyat qabul qilib olingach, iste'foga chiqishi haqidagi xabarlar fonida Mikel Arteta «kanonirlar» jamoasi bilan sentyabrdan noyabrgacha mag‘lubiyatsiz seriya qayd etdi va turnir jadvalining quyi qismidan beshinchi o‘ringa ko‘tarildi. Endi esa londonliklar o‘tgan turda «Enfild»da qayd etilgan 0:4 hisobidagi natijaga qanday reaksiya qilishi qiziq. «Nyukasl»ga qarshi o‘yinning dastlabki 20 daqiqaligida to‘pga egalik qilish bo‘yicha 80 foizlik ustunlik qayd etildi, keyin Ramsdeyl yana bir bor mo‘jiza ko‘rsatishiga to‘g‘ri keldi, u Shelvining darvoza to‘sini ostiga kirib ketayotgan zarbasini qaytardi.

Birinchi bo‘lim oxirlarida Edegorning bosh bilan bergan zarbasini Dubravka qaytarganida Obameyang bir metr masofadan turib bo‘sh qolgan darvozani ishg‘ol etolmagan bo‘lsa-da, ikkinchi bo‘limda barchasi joy joyiga tushdi va mezbonlar o‘n daqiqa ichida «qarg‘alar» mudofaasini sochib tashladi.

Dastlab Saka Smit-Rou boshlab bergan hujumni gol bilan yakunladi, keyin u jarohat olgach o‘rniga maydonga tushgan Martinelli to‘pga ilk teginishlaridayoq hisobdagi farqni ikkitaga oshirdi. «Arsenal» ochkolar soni bo‘yicha «Vest Hem»ga yetib oldi, to‘plar nisbati yaxshiroqligi evaziga to‘rtinchi o‘rinda qolayotgan Moyyes shogirdlari bugun «Manchester Siti» mehmoni bo‘ladi. Mavsum boshidan buyon biror g‘alabaga erishmagan «Nyukasl» so‘nggi o‘rindan yuqori ko‘tarila olmayapti.

 

 

 

 

Posmotret etu publikatsiyu v Instagram

 

 

 

 

 

 

 

 

 

 

 

Publikatsiya ot Arsenal Official (@arsenal)

«Liverpul» — «Sauthempton» — 4:0 (Diogu Jota, 2, 32. Tiago Alkantara, 37. van Deyk, 52)

APLning joriy mavsumdagi eng tezkor goli ushbu o‘yinda urildi - Diogu Jota 97 soniyada hisobni ochdi. Aytish mumkinki, portugaliyalik futbolchi virtual futbol ritmidan real futbolga o‘tishga ham ulgurmagandi. Tongda Jota FIFA 22 bo‘yicha musobaqa saralashida ishtirok etdi va o‘z chiqishini «Enfild»dagi haqiqiy o‘yin uchun to‘xtatdi. Forvard o‘yinda dubl qayd etdi va gollarini kiberfutbolda mashhur bo‘lgan gol nishonlash uslubida nishonladi.

Final hushtagi yangraganida ayni vaqtda APLning eng yaxshi uch to‘purari Liverpulda ekani oydinlashdi — 11 marta gol urgan Saloh va yettitadan golga mualliflik qilgan Jota va Mane. Senegallik futbolchi oqshomdagi ilk golli hujumda qatnashib, to‘pni ikki himoyachi orasidan o‘tkazib, jarima maydoniga yetkazib berdi, Roberson esa golli uzatma muallifiga aylandi. Boshqa bir himoyachi-pleymeyker ham undan qolishishni istamadi — Aleksandr-Arnold klub va terma jamoa uchun so‘nggi besh o‘yinda to‘qqiz assist muallifiga aylangan.

Ikkinchi bo‘lim boshidayoq o‘yinga amalda nuqta qo‘ygan golni yana bir himoyachi van Deyk urgandi, u albatta sobiq jamoasiga urilgan golni nishonlamadi.

 

 

 

 

Posmotret etu publikatsiyu v Instagram

 

 

 

 

 

 

 

 

 

 

 

Publikatsiya ot Liverpool Football Club (@liverpoolfc)

Italiya: «Yuventus» inqirozda

«Yuventus» — «Atalanta» — 0:1 (Sapata, 28)

Turinliklar maydonga 2019-2021 yillardagi transferlar atrofida yuzaga kelgan mojaro fonida maydonga chiqishdi. Bir oy oldin e'lon qilingan tekshiruv doirasida prokuratura 42 kelishuvni, jumladan «Manchester Siti» (Joau Kanselu — Danilu) va «Barselona» (Pyanich — Artur) bilan almashuvlarni gumon ostiga olgan. Gap transferlar summasi va agentlarga komissiya to‘lovlari oshirib ko‘rsatilgani haqida ketmoqda, surishtiruvlarda yolg‘on ma'lumotlar ishlatilgani aniqlangan. Bu «Yuventus» prezidenti Andrea Anelli, vitse-prezident Pavel Nedved va sobiq sport direktori Fabio Paratichiga qimmatga tushishi mumkin. Shanba kuni klub ofislariga moliya politsiyasi vakillari tashrif buyurishdi.

«Atalanta»ning Turinga tashrifi ham mezbonlar uchun yoqimsiz kechdi, o‘yinning birinchi qismidayoq Sapata himoyachilardan qochib ketgan holda g‘alaba golini urdi. Kolumbiyalik forvard — «byankoneri» bo‘yicha haqiqiy ekspert, u ushbu jamoaga qarshi so‘nggi 11 o‘yinda 8 gol urib ulgurdi. Ammo u safar o‘yinlarida urgan gol shu vaqtgacha jamoaga yordam bermay kelayotgandi, qolaversa bergamoliklarning bu g‘alabasi turinliklarga qarshi o‘yinlarda 1989 yildan buyon safardagi ilk g‘alabadir, o‘shanda Klaudio Kanidjining goli «Yuve» ustidan g‘alaba keltirgandi. Endi Massimiliano Allegri jamoasi to‘rtinchi o‘rindagi «Atalanta»dan yetti ochkoga ortda qolmoqda. Mezbonlar so‘nggi daqiqalarda o‘yinni qutqarishi mumkin edi, ammo Dibalaning jarima zarbasi darvoza to‘siniga tegdi.

Turinliklar mavsum boshidan buyon (avgustda «Empoli»ga 0:1, sentyabrda «Napoli»ga 1:2, oktyabrda «Sassuolo»ga 1:2, noyabrda «Verona»ga 0:1, «Chelsi»ga 0:4 va endi «Atalanta»ga 0:1), noyabr oyining uch bor mag‘lubiyat «Keksa sinora» bilan 1948 yildan buyon kuzatilmagandi.

«Venetsiya» — «Inter» — 0:2 (Hoqon Chalxono‘g‘li, 34. Martines, 90+6, penaltidan)

Terma jamoalar tanaffusidan keyingi davrda amaldagi chempionlar yaxshi formada - yetti kun ichida uch o‘yinda uch g‘alaba. Milanliklar dastlab «Napoli»ga mavsumdagi ilk mag‘lubiyatni taqdim etishdi, keyin «Shaxtyor» bilan o‘yinda Chempionlar ligasi pley-off yo‘llanmasi hal etildi, endi esa Venetsiyadagi o‘yinda uch ochko qo‘lga kiritildi.

Bu safar ham Hoqon Chalxano‘g‘lining goli hal qiluvchi gol bo‘ldi, u faoliyatida ilk bor milliy chempionatda qatorasiga uch o‘yinda gol urdi. 2013/14 yilgi mavsumda, bundesligada debyut qilganidan buyon ushbu turkiyalik uzoq masofalardan yo‘llagan zarbalari bilan 26 bor raqib jamoalar darvozabonlarini ranjitgan. U bu borada Kristian Eriksen bilan bir xil natijaga ega, ulardan oldinda faqat Leo Messi.

Ispaniya: «Barsa»ning omadi keldi

«Vilyarreal» — «Barselona» — 1:3 (Chukvueze, 76 — F.de Yong, 48. Depay, 88. Filippe Koutinyu, 90+4, penaltidan)

O‘yinning ilk daqiqalaridanoq Unai Emeri va Xavi shogirdlari shanba oqshomining eng yaxshi o‘yinini o‘tkazish uchun jonbozlik ko‘rsatishdi, tomonlar navbatma-navbat xavfli hujumlar uyushtirdi. Kataloniyaliklar himoyasini Dandjuma doimiy ravishda tahlikaga solib turdi, uning xavfli zarbasini Ter Shtegen bir amallab qaytardi. Ko‘k-anorranglilarning javob hujumida Depay yakkama-yakka holatga chiqib borib, gol urolmadi, keyinroq uning uzatmasidan keyin Gavining bosh bilan bergan zarbasi darvoza to‘siniga tegib maydondan chiqib ketdi.

Birinchi bo‘limda gol urilmagani o‘yindagi jarayonga mos emasdi, ikkinchi bo‘lim boshida esa arbitrlar Frenki de Yongning golini hisobga olishmadi, lekin VAR vaziyatga aralashib, hakamlar xato qaror qilganini ko‘rsatib berdi - bir necha daqiqalik kuzatuvlardan keyin Jordi Albaning uzatmasiga oyoq qo‘ygan Depay ofsaydda bo‘lmagani ma'lum qilindi.

Ammo hozirgi «Barselona» hali yuqori sport formasiga chiqmagan va ularda kuchli zaxira ham yo‘q. Ular o‘z muvaffaqiyatini rivojlantira olishmadi hamda Dandjuma va Chukvuezening golli kombinatsiyasini o‘tkazib yuborishdi. O‘yin oxirlarida ular ikkinchi golni ham qo‘yib yuborishi mumkin edi. Ammo ko‘k-anorranglilar sinovni yengib o‘tishdi va g‘alabani o‘ziniki qildi, bu vaziyatda Ter Shtegen to‘pni kuch bilan tepib raqib jarima maydoni tomon yetkazib berdi va himoyachi to‘pni boshi bilan o‘z darvozaboniga oshirib berishda xatoga yo‘l qo‘yganida Depay bu sovg‘adan foydalanib, mahorat va sovuqqonlik bilan g‘alaba golini urdi. Ushbu niderlandiyalik qatorasiga to‘rtinchi turda gol urmoqda, Xavining esa omadi kelmoqda, «Barsa» mavsumdagi ilk safar o‘yinidagi g‘alabaga erishdi.

«Valensiya» — «Rayo Valekano» — 1:1 (Soler, 19, penaltidan — Palazon, 64)

Oktabr oyida jarohat olgan Denis Cherishev maydonga qaytdi. «Real Sosedad»ga qarshi o‘yinda rossiyalik yarimhimoyachi zaxirada qolgandi, shanba kuni u 82-daqiqada maydonga tushdi. Ammo o‘yinning qolgan daqiqalarida «ko‘rshapalaklar» g‘alabani ilib keta olmadi, ular bu vaqtda gol o‘tkazib yuborib mag‘lub bo‘lishi ham mumkin edi, «Rayo» so‘nggi daqiqalarda ikkita yaxshi imkoniyatga ega bo‘ldi. Bu o‘yinda «Valensiya»ning yagona goliga mualliflik qilgan Soler la ligada urgan gollarining 46 foizini — 24tadan 11tasini — penaltidan urgan.

Germaniya: «Bavariya»ning yangi rekordi

«Volfsburg» — «Borussiya» D — 1:3 (Veghorst, 2 — Emre Jan, 35, penaltidan. Malen, 55. Holand, 80)

Chempionlar ligasidan chiqib ketgan «Borussiya» Volfsburgda iroda ko‘rsatdi, dortmundliklar bu yerda qatorasiga yettinchi o‘yinda g‘alabaga erishdi. O‘yin boshida tezkor gol o‘tkazib yuborildi, ammo shundan keyin bu safar Bundesligada sariq-qora formada 300-o‘yinida maydonga tushgan Hummels boshchiligidagi himoya ishonchli o‘yin ko‘rsatdi.

Emre Jan penaltini aniq ijro etib, o‘yinda burilish yasadi va Lissabondagi o‘yindagi qo‘polligi va maydondan chetlatilishi bilan jamoani qiyin ahvolga solib qo‘ygani uchun muxlislar oldida o‘zini biroz oqladi. Kechaning asosiy voqeasi esa bir oydan oshiq vaqt davom etgan tanaffusdan keyin Holandning qaytishi bo‘ldi. Norvegiyalik forvard zaxiradan maydonga chiqqanidan keyin o‘z nomini tabloga yozdirib qo‘yishi uchun yetti daqiqa yetarli bo‘ldi, u o‘zining aql bovar qilmas grafigini davom ettirdi — Germaniya chempionatida 50 o‘yinda 50 gol. Turnir tarixida hech kim bunchalik tez (21 yosh, 4 oy va 6 kun) va bu qadar yoshligida bunday ko‘rsatkich qayd eta olmagan.

Shifokorlar prognozida aytilganidan bir oy oldin tiklangan Holand golini original uslubda nishonladi, bu holat keyin internetda hitga aylandi - uning golidan ranjigan «bo‘rilar» muxlisasi qarshisiga kelgan raqib forvardiga haqoratli jyest bilan javob qaytargandi. Ammo yosh forvardda yumor tuyg‘usi yetarli edi. U Twitter sahifasida ushbu mavzudagi mem va videoroliklarni joylashtirib, shunday dedi: «Bu chindan kulgili. Aynan shuning uchun biz futbolni yaxshi ko‘ramiz». Shuningdek, u o‘yin translatsiyasi operatoriga o‘yinning bosh qahramoni uchun mukofot topshirishni tavsiya etdi.

«Bavariya» — «Arminiya» — 1:0 (Sane, 71)

Myunxen klubida antivakserlar bilan bog‘liq tarix davom etmoqda. Avvalgi haftada karantinga yuborilgan 5 futbolchidan ikki nafari — Kimmih va Shupo-Motingga shu kunlarda koronavirus tashxisi qo‘yildi. Agar ular safda bo‘lganida «Bavariya» hozirgidan kuchliroq bo‘lardi va Yulian Nagelsmann ilk daqiqalardanoq maydonga Fransiyadan bo‘lgan besh legionerni tashlashiga to‘g‘ri kelmasdi. «Bavariya»ning muammolari bu bilan hal bo‘lib qolmadi, ammo o‘yin oxirlab qolganida Sane «to‘qqizlik»ka yo‘llangan chiroyli zarbasi bilan g‘alaba keltirdi va shu bilan birga tarixiy gol muallifiga ham aylandi. Bu bavarlarning yil boshidan buyon urilgan 102-goli bo‘ldi, bu esa Germaniya chempionati rekordidir. Myunxen hamon birinchi o‘rinda, ammo bir haftadan keyin «Borussiya»ga qarshi nemis klasikosi bo‘lib o‘tadi.

Kun statistikasi

• Bundesliga tarixida qatorasiga 11 o‘yinda mag‘lubiyatga uchragan ilk jamoa «Groyter Fyurt» bo‘ldi.
• Liga 1ning joriy mavsumida penaltini qaytargan ilk darvozabon «Nant» vakili Lafont bo‘ldi.
• Jyerrard — «Aston Villa» tarixida APLdagi dastlabki ikki o‘yinida g‘alaba qozongan 2-murabbiy. Bundan avvalgi holat 1998 yilda kuzatilgan, o‘shanda birmingemliklar boshqaruviga Jon Gregori kelgandi.
• Turkiyaning amaldagi chempioni «Beshiktosh» darvozasiga «Giresunspor» 4ta javobsiz gol urdi, bu ushbu klubning superligadagi eng yirik g‘alabasi. Amaldagi chempionlar ichki chempionatda qatorasiga to‘rtinchi o‘yinda mag‘lubiyatga uchradi (YeChL guruhida «Ayaks»ga qarshi o‘yin bilan jami 5) va 10-o‘ringa tushib ketdi. 
• Italiya chempionatining eng yaxshi to‘purari bo‘lib turgan Vlahovich yil boshidan buyon «Fiorentina» uchun 28-golini urdi. Ushbu serbiyalik klub rekordini takrorladi, rekord 1960 yilda Kurt Xamrin tomonidan o‘rnatilgandi.
• «Sentenario» stadionida 21-marta Libertadores Kubogi finali bo‘lib o‘tdi va unda «Palmeyras» so‘nggi daqiqadagi gol evaziga «Flamingo»ni mag‘lub etdi.