Profilaktika inspektorlari, PPX va YPX xodimlari ishini baholashda reyting tizimi joriy etiladi

Profilaktika inspektorlarining vazifalari takomillashtiriladi. Bu haqda prezidentning “O‘zbekiston jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida”gi farmonida aytilgan.

Profilaktika inspektorlari ortiqcha va keraksiz yuklamalardan ozod qilinib, ularning vazifalari 128 tadan 22 taga maqbullashtirilgan holda qat'iy ro‘yxat sifatida tasdiqlanmoqda.

Profilaktika inspektorlarini ularning vazifa va faoliyat yo‘nalishlari bilan bog‘liq bo‘lmagan tadbirlarga jalb qilish hamda faoliyatiga asossiz aralashish taqiqlanadi.

Endi, profilaktika va probatsiya inspektorlari, patrul-post va yo‘l-patrul xizmati xodimlarining faoliyatini baholashda samaradorlik indikatorlarini o‘z ichiga oluvchi reyting tizimi joriy etiladi.