10:31 / 03.12.2021
2794
Тошкент ИЭСда электр энергиясида узилиш бўлгани сабабли қатор ҳудудлар иссиқлик таъминотисиз қолди

Тошкент Иссиқлик электр станциясида электр энергиясида узилиш содир бўлди. Бу ҳақда Мирзо Улуғбек тумани ҳокимлиги хабар бермоқда.

Фото: Kun.uz

Маълумотда айтилишича, Қорасув-6 мавзесидаги 2-сонли иссиқлик маркази ва ТТЗ мавзесидаги локал қозонхоналар фаолияти тўхтаб қолган. 

Қайд этилишича, шу муносабат билан қуйида келтирилган манзилларда иссиқлик ва иссиқ сув таъминоти тўхтаган:

  • Қорасув-1, 2, 3, 4, 6 мавзелар;
  • Авайхон мавзеси;
  • Феруза мавзеси;
  • Бўз-2 мавзеси;
  • ТТЗ-1, 2, 3, 4 мавзелар.
Top