«Twitter bloklangan yurtda Senat raisi har kuni tvit yozadi» - Senatdan ijtimoiy tarmoq bloklanishi bo‘yicha izoh so‘raldi

{Yii::t(}

O'tkazib yuborish 6s

O'tkazib yuborish

Joriy yilning 17 dekabr kuni AOKA majlislar zalida Senatning yigirma ikkinchi yalpi majlisi yakunlari yuzasidan matbuot anjumani o‘tkazildi.

Kun.uz muxbiriga ko‘ra, tadbir davomida O‘zbekistonda ijtimoiy tarmoqlarning sud qarorisiz bloklangani, Senat raisi Tanzila Norboyeva esa ana shu ijtimoiy tarmoqdan qanday qilib faol foydalanayotgani yuzasidan izoh so‘raldi.

«Yaqinda ijtimoiy tarmoqlar bloklanishi bo‘yicha ro‘y bergan holat ko‘plab muhokamalarga sabab bo‘ldi. Senat 2021 yil yanvar oyida qabul qilgan «Shaxsga doir ma’lumotlar to‘g‘risida»gi qonunga kiritilgan o‘zgarishlar ham muhokama qilindi.

Men bir narsani yana urg‘u berib aytmoqchiman, bu yerda ijtimoiy tarmoqlar bloklanishi bo‘yicha hech qanday gap-so‘z yo‘q.

Siz hozir Senat raisining qanday VPN’dan foydalanishi bo‘yicha savol beryapsiz. Bu bo‘yicha menda aniq ma’lumot yo‘q. Biz buni o‘rganib, yana qo‘shimcha axborot beramiz. Bu yerda xorijiy delegatsiya, parlamentlar bilan ishlash uchun imkoniyat masalasi ham bo‘lishi mumkin», – dedi senator Farhod Boqiyev.