Qaysi sohalarda xorijiy kapital ishtirokida faoliyat yuritayotgan korxonalar soni ko‘p ekani ma’lum bo‘ldi. Davlat statistika qo‘mitasi tegishli xabar bilan chiqdi.
Qo‘mita ma’lumotida aytilishicha, 2022 yilning 1 yanvar holatiga ko‘ra respublikada xorijiy kapital ishtirokida faoliyat ko‘rsatayotgan korxonalarning soni 13 289 tani, shundan qo‘shma korxonalar 5 988 ta va xorijiy korxonalar 7 301 tani tashkil etmoqda.
2022 yilning 1 yanvar holatiga xorijiy kapital ishtirokida faoliyat ko‘rsatayotgan korxonalarning sohalar bo‘yicha sonida sanoat yetakchilik qilmoqda – 4 076 ta korxona.
Keyingi o‘rinlardan savdo sohasidagi korxonalar (3 782 ta) va qurilish bo‘yicha korxonalar joy oldi (1 100 ta).
Shuningdek, bu ko‘rsatkich qolgan sohalar kesimida quyidagicha ko‘rinish oldi:
- qishloq, o‘rmon va baliqchilik xo‘jaligi – 718 ta;
- yashash va ovqatlanish bo‘yicha xizmatlar – 550 ta;
- axborot va aloqa – 400 ta;
- tashish va saqlash – 354 ta;
- sog‘liqni saqlash va ijtimoiy xizmat ko‘rsatish – 210 ta.
