Qo‘ng‘irot - Namangan - Andijon - Qo‘ng‘irot yo‘nalishida poyezdlar qatnovi yo‘lga qo‘yiladi

Qo‘ng‘irot - Namangan - Andijon - Qo‘ng‘irot yo‘nalishida poyezdlar qatnovi yo‘lga qo‘yiladi. Bu haqda “O‘ztemiryo‘lyo‘lovchi” xabar berdi.

Qayd etilishicha, “O‘zbekiston temiryo‘llari” tomonidan yo‘lovchilarga yanada ko‘proq qulaylik yaratish maqsadida, 2022 yil 5 fevraldan boshlab Qo‘ng‘irot - Andijon - Qo‘ng‘irot yo‘nalishida harakatlanayotgan 654/653-sonli yo‘lovchi poyezdlar Qo‘ng‘irot - Namangan - Andijon - Qo‘ng‘irot yo‘nalishida qatnov amalga oshirishni boshlaydi.

Ushbu poyezdlar harakat davomida Xo‘jayli, Nukus temiryo‘l vokzallarida ham to‘xtab o‘tadi.

Qo‘shimcha ma’lumotlarni Toshkent shahrida 1005 qisqa telefon raqami, joylardagi temiryo‘l kassalari hamda ma’lumotlar byurosidan bilib olish mumkin.