16:19 / 15.02.2022
6507

Namanganda “Nexia-2” avtomobili kanalga tushib ketdi

Foto: Namangan viloyati FVB axborot xizmati

Shimoliy Farg‘ona kanaliga tushib ketgan avtomobil maxsus texnika yordamida kanaldan olib chiqilgan. Bu haqda Namangan viloyati FVB axborot xizmati xabar bermoqda.

Qayd etilishicha, Namangan shahar, “G‘uncha” MFY hududida “Nexia-2” rusumli transport vositasida harakatlanayotgan haydovchi boshqaruvni yo‘qotishi oqibatida avtomobil ushbu mahalla hududidan oqib o‘tuvchi Shimoliy Farg‘ona kanaliga tushib ketgan.

Foto: Namangan viloyati FVB axborot xizmati

Hodisa joyiga zudlik bilan hududiy FVB xodimlari yetib kelib, transport vositasi maxsus texnika yordamida kanaldan olib chiqilgan.

Foto: Namangan viloyati FVB axborot xizmati

Hodisa natijasida tan jarohati olgan fuqarolar yo‘q.

YHXX axborot xizmatining ma’lum qilishicha, ushbu holat yuzasidan hududiy surishtiruv olib borilmoqda.

Top