O‘zbekistonga yanvarda import qilingan oziq-ovqat mahsulotlari qiymati ma’lum bo‘ldi

Oziq-ovqat importida yuqori ulushga ega bo‘lgan mahsulotlar qiymati ma’lum qilindi. Davlat statistika qo‘mitasi tegishli xabar bilan chiqdi.

Foto: Shutterstock

Qo‘mita ma’lumotlariga ko‘ra, O‘zbekistonga 2022 yilning yanvar oyida import qilingan ayrim turdagi oziq-ovqat mahsulotlari qiymati quyidagicha:

bug‘doy – 49,1 mln dollar;
shakarqamish – 38,6 mln dollar;
margarin mahsulotlari – 22,2 mln dollar;
o‘simlik yog‘i – 11 mln dollar;
qoramol go‘shti – 9,3 mln dollar;
bug‘doy uni – 8,5 mln dollar;
kartoshka – 7,8 mln dollar;
banan – 6,3 mln dollar;
kakao va shokolad – 5,3 mln dollar;
choy – 4,2 mln dollar;
parranda go‘shti – 3,8 mln dollar;
sut mahsulotlari – 3,7 mln dollar;
mandarin – 3,6 mln dollar;
arpa – 2,6 mln dollar;
makkajo‘xori – 2,5 mln dollar.

2022 yilning yanvar oyida 82 mamlakatdan oziq-ovqat mahsulotlari importi amalga oshirilgan bo‘lsa, 2021 yilda 78 mamlakatdan oziq-ovqat tovarlari importi amalga oshirilgan.

O‘zbekistonga oziq-ovqat mahsulotlari importi asosan Qozog‘iston (35,2 foiz), Rossiya (22,3 foiz), Braziliya (17,4 foiz), Belarus (3,7 foiz) va Pokiston (2,7 foiz) kabi davlatlar hissasiga to‘g‘ri keldi.