YeI Rossiyaga qarshi sanksiyalarning to‘rtinchi paketini tayyorlamoqda

Yangi paket rossiyalik diplomatlarning bir qismini chiqarib yuborish, Rossiya prezidenti Vladimir Putinning atrofidagilarga va bank tizimiga qarshi sanksiyalarni kuchaytirishni o‘z ichiga oladi.

Foto: Reuters

Yevroittifoq Rossiyaga qarshi sanksiyalarning yanada keskin bo‘lgan to‘rtinchi paketini tayyorlamoqda. Bu haqda “Yevropeyskaya pravda” xabar berdi.

Xabarga ko‘ra, yangi paket rossiyalik diplomatlarning bir qismini chiqarib yuborish, Rossiya prezidenti Vladimir Putinning atrofidagilarga va bank tizimiga qarshi sanksiyalarni kuchaytirishni o‘z ichiga oladi.

Shuningdek, "rossiyalik korrupsionerlar reyestri" shakllantiriladi. Unga Kremlga yaqin bo‘lgan hukumat vakillari va biznesmenlar kiritiladi.

Avvalroq G‘arb Rossiyaga qarshi iqtisodiy sanksiyalar kiritgandi.

Bundan tashqari, 30dan ortiq mamlakat Rossiya uchun havo kengliklarini yopdi.