TATU Qarşi filiali qoşidagi “ögay” litsey: yotoqxona ta’miri çala, voyaga yetmagan öquvçilar ijarada

“Qiz bola bölganim uçun ham tezroq litseyimiz yotoqxonasi foydalanişga tuşişini kutyapman. Öqişga qatnaş menga har tomonlama qiyinçilik tuğdirmoqda” deydi Mirişkor tumanidan kelib öqiyotgan öquvçi Ozoda Jörayeva.

Darhaqiqat, mazkur litsey joylaşgan hududda yirik oliy ta’lim muassasalari ham joylaşgani sabab, öquvçilar osonlikça ijara uy topolmaydi. Bori ham qimmat yoki şaroiti köngildagidek emas.

TATU Qarşi filiali direktori vazifasini bajaruvçi Otabek Omonov ta’mirlaş işlari mablağ yöqligi sabab töxtab qolganini aytib, masala viloyat kengaşi sessiyasi tasdiğiga kiritilganini ma’lum qildi.

Taqdim qilingan hujjatlar orasida Qaşqadaryo viloyat hokimligi injiniring kompaniyasi tomonidan 2021 yilning 30 dekabrida viloyat hokimi örinbosari A.Eşonqulov nomiga yuborilgan xat ham bor. Unda keltirilişiça, TATU Qarşi filialiga qaraşli yotoqxonani kapital ta’mirlaş topşiriği viloyat hokimligi tomonidan berilgan. Kapital ta’mirni yakuniga yetkazib qöyiş uçun qariyb bir mlrd söm mablağ talab qilinişi va öşa summa mahalliy budjet hisobidan injiniring kompaniyaga ötkazib beriş söralgan. Buni qarangki, ötgan yili viloyat injiniring kompaniyasi TATU Qarşi filialidan ham akademik litseyni ta’mirlaş uçun mablağ ajratişda amaliy yordam söragan.

Demak, viloyat injiniring kompaniyasida uşbu masala yuzasidan aniq çora-tadbirning özi yöq. Aks holda bir neçta taşkilot nomiga mablağ ajratişda yordam bering, yotoqxonaning ta’mirini tugatib qöyaylik, deb xat yozmasdi. Çunki bir obektni ta’mirlaşga kirişişdan avval injiniring kompaniya atalmiş yirik taşkilot avvalo, moliyaviy manbaning qayerdan qoplanişi, obektni foydalanişga topşiriş muddati va şu kabi boşqa loyiha hujjatlari haqida boş qotirişi lozim.

Akademik litsey yotoqxonasida quriliş işlarini yakunlaş uçun mahalliy budjetdan mablağ ajratiş közda tutilyaptimi-yöqmi, degan savol bilan viloyat hokimining birinçi örinbosari Nodir Erkayevga murojaat qildik. Erkayev garçi dastlab viloyat kengaşi sessiyasi qarori va hokimining topşiriği bilan litsey yotoqxonasini ta’mirlaşga mablağ ajratilgan bölsada, qolgan mablağni ajratiş uçun hujjatlarga yana bir qarab olişini ma’lum qildi. Hokimning birinçi örinbosari işçi guruh yordamida uşbu masalani örganib, vaziyat böyiça bizga ma’lumot taqdim qilinişini bildirganiga ham bir neça hafta ötdi. Ammo bu muddat içida hokimlik heç qanday amaliy harakat qilmagani xabar berildi.

TATU Qarşi filiali rahbariyati tört yil avval viloyat hokimligi boş-qoş bölgan litsey ta’miri nega yarmida töxtab qolgani böyiça tayinli izoh ololmayapti.

Xulosa qiliş mumkin, hozirça akademik litseyga na hududiy jihatdan mansub bölgan Qaşqadaryo viloyati hokimligidan, na otaliqqa olgan TATU Qarşi filialidan heç qanday amaliy yordam berilmayapti.

Isomiddin Pölatov,
Kun.uz muxbiri.

Suratlar muallifi Jahongir Aliboyev.