15:47 / 11.03.2022
521
Бўзатовдаги ўқитувчиларининг билими 50 фоиздан паст натижани кўрсатди
Фото: Халқ таълими вазирлиги

Бўзатов тумани мактаб ўқитувчиларининг билимлари диагностикадан ўтказилган. Халқ таълими вазирлигининг хабарига кўра, натижалар 50 фоиздан паст кўрсаткични қайд этган.

10 март куни Халқ таълими вазирининг биринчи ўринбосари Усмон Шарифхўжаев бошчилигидаги ишчи гуруҳ Бўзатов туманида ўз фаолиятини давом эттирди.

Фото: Халқ таълими вазирлиги

Хабар берилишича, “Мобил методик гуруҳлар” фаолиятини режалаштириш доирасида тумандаги 1-, 4-умумтаълим мактаблари ўқитувчиларидан ўзларининг фан йўналишлари бўйича диагностик тестлар олинган.

Дастлабки тест натижаларига кўра, 1-сонли мактаб ўқитувчилари ўртача 49,6 фоиз, 4-сонли мактаб ўқитувчилари ўртача 47,7 фоиз натижа кўрсатган.

Фото: Халқ таълими вазирлиги

Эндиликда мазкур мактаблардаги ўқитувчиларнинг билимини диагностикадан ўтказиш ҳамда аниқланган бўшлиқларни бартараф этишга қаратилган ўқув машғулотларни ташкил этилади.

Жумладан, 14 мартдан бошлаб Беруний туманидаги 40-, 43-мактабларда Қорақалпоқ давлат университети, Бўзатов туманидаги 1-, 4-мактабларда эса Қорақалпоқ давлат педагогика институти ҳузуридаги “Мобил методик гуруҳлар” томонидан ўқув машғулотлари бошланади.

Top