12:27 / 31.03.2022
6803
Тошкентда инфокиоскни ўғирлаб кетган шахс ушланди

Тошкент шаҳрида инфокиоскни ўғирлаб кетганликда гумонланаётган шахс қўлга олинди. Бу ҳақда пойтахт ИИББ хабар бермоқда.

Фото: ИИББ ахборот хизмати

Қайд этилишича, Яшнобод тумани ИИО ФМБга келиб тушган хабарга кўра, 19 март куни соат 20:00 ларда номаълум шахс «Узпайнет» МЧЖга тегишли умумий қиймати 22 000 000 сўмлик инфокиоскни ўғирлаб кетган.

Ушбу шахс инфокиоскни ўзининг «Нексия» русумли автомашинасига жойлаб, кимсасиз жойга олиб борган. У ерда инфокиоскни очиб, ичидаги 3 083 000 сўм пулларни ўзлаштирган. 

“Кўрилган чора-тадбирлар натижасида, гумонланувчи шахс 27 ёшли фуқаро бўлиб чиқди ва у қўлга олинди”, дейилади хабарда. 

Мазкур ҳолат бўйича тўпланган ҳужжатлар Яшнобод тумани ИИО ФМБга юборилган.

Top