Toshkent – Bishkek yo‘nalishida xalqaro avtobus qatnovi tiklandi

Joriy yil 15 aprelidan Toshkent – Bishkek yo‘nalishida xalqaro avtobus qatnovi tiklandi. Bu haqda Tashtrans.uz xabar bermoqda.

Ma’lum qilinishicha, reyslar har kuni, kuniga ikki martadan – soat 18:00 va 19:00 da amalga oshiriladi. Chipta narxi 250 ming so‘m, chiptalarni Toshkent avtovokzalidan olish mumkin.

Avtobuslar 601 km masofadagi Toshkent – Bishkek yo‘nalishini 12 soat 40 daqiqada bosib o‘tadi.

Ushbu xalqaro avtobus yo‘nalishi 2020 yilda koronavirus pandemiyasi sababli to‘xtatilgan edi.

Eslatib o‘tamiz, 12 apreldan O‘zbekiston Qozog‘iston va Tojikiston bilan ham xalqaro avtobus qatnovlarini tiklagani ma’lum qilingan edi.