London sudi Assanjni AQShga ekstraditsiya qilishga ruxsat berdi

AQShda jurnalist 175 yilga ozodlikdan mahrum etilishi mumkin.

Foto: Henry Nicholls / File Photo / Reuters

Londondagi Vestminster magistrat sudi WikiLeaks asoschisi Julian Assanjni AQShga ekstraditsiya qilishga ruxsat berdi. Agar Buyuk Britaniya ichki ishlar vaziri Priti Patel uni AQShga ekstraditsiya qilishga qaror qiladigan bo‘lsa, Assanjning advokatlari London yuqori sudiga apellyatsiya berish imkoniyatiga ega bo‘ladi.

WikiLeaks asoschisi 2012 yil iyunida Ekvadorning Londondagi elchixonasi hududidan boshpana topgandi. Ekvador 2019 yilda uni diplomatik boshpanadan mahrum qildi va Julian Assanj qo‘lga olindi.

2021 yil yanvarda sud Assanj o‘z joniga qasd qilishga moyilligi bois uni AQShga ekstraditsiya qilishni taqiqladi, biroq keyinroq Angliya va Uels apellyatsiya sudi bu taqiqni bekor qildi. Jurnalist qamoqxonada insultni boshdan kechirdi.

AQShda jurnalist maxfiy ma’lumotlarni oshkor etishda ayblanmoqda, u 175 yilga ozodlikdan mahrum etilishi mumkin.