Tanqiddan söng: Huquq organlari Toşkent şahar SSBB amaldorlarining 4 yillik “biznesi”dan endi xabar topdi

Vaholanki, 2018 yilgaça Toşkent şahar soğliqni saqlaş boş boşqarmasi tizimidagi birlamçi tibbiy xizmat körsatiş muassasalarida fuqarolar uçun laboratoriya klinik va bioximiya tahlillari bepul bölgan.

Kompaniya ta’sisçilari – uç nafar sobiq va amaldagi mulozimlardir:

• Botirbek Isabekov (33,40 foiz) — 2019-2020 yillarda Toşkent şahar SSBB boşliği, 2022 yil mart holatiga SSBB boşliğining örinbosari;
• Anvar Rahimov (33,30 foiz) — muqaddam Toşkent şahar SSBBda işlagan, 2022 yil mart holatiga SSBB tasarrufidagi “Tibbiy körik bölimi” DUK direktori;
• Uluğbek Egamberdiyev (33,30 foiz) — 2022 yil fevral oyigaça Toşkent şahar SSBB boşliğining birinçi örinbosari lavozimida işlagan.

“Bemorlar zarurat bor-yöqligidan qat’i nazar, pulli tahlil topşirişga yönaltirilgan”

SSV Komplayens içki audit va moliyaviy nazorat xizmati boşliği Rustam Jumanov bu haqda quyidagilarni ma’lum qilgan edi.

“Örganişlar davomida şifokorlar tomonidan asossiz ravişda, ya’ni zarurat bor yoki yöqligidan qat’i nazar bemorlar pulli tahlillarni topşirişga yönaltirilgani, bunga manfaatlar töqnaşuvi sabab bölayotgani ma’lum böldi.

Amaldagi qonunçilikka köra, bolalar şifoxonalari va tuğuruqxonalarda bemorlarga bepul tibbiy xizmat körsatilişi, ular qanday körinişda bölmasin, tibbiy xizmatlar uçun pul tölaşga majburlanmasligi kerak. Biroq “Toşkent şahar soğliqni saqlaş tibbiy diagnostika laboratoriyasi” MÇJning ta’sisçilari özlarining lavozim vakolatlari va mavqelaridan foydalangan holda poytaxtdagi 6ta tuğruq kompleksi, şahar endokrinologiya dispanseri, şahar tez tibbiy yordam klinik şifoxonasi, şahar birinçi va uçinçi klinik şifoxonalarida aholiga pulli xizmat körsatişni yölga qöyişga erişişgan.

Qolaversa, Toşkent şahridagi 54 ta tibbiyot muassasasida faoliyat olib borayotgan “SS-LAB” laboratoriyalari tahlillarni özi ötkazmayotgani, şunçaki örtada vositaçi ekani, aholidan olingan namunalar, ya’ni biomateriallarni tibbiy-diagnostika xizmatini körsatuvçi boşqa bir korxonaga olib borib topşirişi aniqlandi.

Örganişlarimiz aslida uşbu xizmatlarning narxi “SS-LAB”nikidan ança arzonligi, uşbu firma har bir xizmat ustiga juda katta haq qöyib kelgani, buning yuki esa fuqarolar zimmasiga tuşib kelganini körsatdi”, degandi Rustam Jumanov.

Eslatib ötamiz, avvalroq tibbiyotda yangi monopoliya yuzaga kelayotgan bölişi mumkinligi, Toşkent şahri va Toşkent viloyatidagi 178ta laboratoriya bitta operator – “Intermed Innovation”ga berilgani haqida yozgan edik.

Bunga javoban mart oyida Monopoliyaga qarşi kuraşiş qömitasi suriştiruv boşlaganini xabar qilgan edi. Oradan 2 oy ötgan bölsa-da, suriştiruv natijalari yuzasidan ma’lumot berilganiça yöq.