Qoʻshimcha funksionallar
-
Tungi ko‘rinish
Ikki nafar fuqaroni Qarshi davlat universitetiga o‘qishga kiritmoqchi bo‘lgan samarqandlik shaxs ushlandi
U ikki nafar shaxsdan 10 ming dollar olayotganda qo‘lga olingan.
Qashqadaryo viloyati IIB axborot xizmatining xabar berishicha, 2022 yil 13 iyun kuni viloyat IIB va Bosh prokuratura huzuridagi iqtisodiy jinoyatlarga qarshi kurashish departamenti xodimlari ishtirokida tezkor tadbir o‘tkazilgan.
Tadbirda, Samarqand viloyati Nurobod tumanida yashovchi shaxs ikki nafar fuqaroni tanishlari orqali Qarshi davlat universitetining Tarix hamda Boshlang‘ich ta’lim fakultetiga o‘qishga kiritishini aytib, ulardan 10 ming dollar talab qilib, pulni olayotganda ashyoviy dalillar bilan ushlangan.
Qayd etilishicha, holat yuzasidan Jinoyat kodeksining tegishli moddalari bilan jinoyat ishi qo‘zg‘atilgan. Hozirda tergov harakatlari olib borilmoqda.
Avvalroq, Samarqand, Toshkent va Andijon viloyatlarida pul evaziga fuqarolarni o‘qishga kiritmoqchi bo‘lgan universitet o‘qituvchisi, talaba va texnikum direktori ushlangandi.
Mavzuga oid
22:01 / 13.06.2026
Qashqadaryoda qum-shag‘al aralashmasini noqonuniy qazib olish holatlari fosh etildi
15:20 / 13.06.2026
Eski sandiqdan topilgan britancha surat: Dulsi xonim izlagan Boqijon Akramov Buxoro va Qashqadaryodan topildi
19:37 / 04.06.2026
Qashqadaryolik eshak go‘shti savdogari: u uch oyda ikki bor sudlandi
08:29 / 26.05.2026