Qoʻshimcha funksionallar
-
Tungi ko‘rinish
Chimboyda “ayti” tanlovi g‘olibiga tokuzaytirgich sovg‘a qilindi
Qoraqalpog‘istonning Chimboy tumanida o‘tkazilgan “IT bilimdoni” tanlovi sovrindorlari sertifikatlar hamda elektr tarmog‘ining filtr-uzaytirgichi (“pilot”), klaviatura va noutbuk sumkasi bilan taqdirlandi. Bu holat internetda muhokamalarga sabab bo‘lmoqda.
Foto: Chimboy tumani hokimligi
Ma’lum bo‘lishicha, “IT bilimdoni” tanlovi Chimboy tumanidagi yoshlar oyligi doirasida o‘tkazilgan. Tuman hokimligining rasmiy Telegram-kanalida 20 iyun kuni berilgan (ayni paytda o‘chirilgan) xabarga ko‘ra, tanlovning tuman bosqichida 15 yoshdan 25 yoshgacha bo‘lgan 60 dan ortiq yoshlar qatnashgan.
Maqsim Jumaboyev, Miyribek Aytmurodov, Damir Askarboyev va Azamat Qalmurodov g‘olib va sovrindorlar qatorida taqdirlangan.
Tanlovni Yoshlar ishlari agentligi va IT-Park tashkil qilgan.
Eslatib o‘tamiz, yanvar oyida Samarqandning Nurobod tumanida “1 million dasturchi” IT-tanlovi g‘olibi bo‘lgan maktab o‘quvchisiga ishlatilgan noutbuk berilishi rezonansga sabab bo‘lgan, buning ortidan tuman hokimi o‘rinbosariga hayfsan berilib, tuman XTB mutaxassisi va viloyat XTB bo‘lim boshlig‘i lavozimidan ozod etilgandi.
Mavzuga oid
10:34 / 06.02.2026
Muhojir yoshlar qopqonga tushmoqda - ularga tuzoq qo‘yganlar soyada ovni davom ettirmoqda
16:33 / 27.01.2026
«Narkotik uchun oyiga o‘rtacha 20−25 mln so‘m sarflayapti» – prezident yoshlar orasidagi giyohvandlik muammosi haqida
13:47 / 31.12.2025
Har yili 500 nafar iqtidorli yoshlar xorijdagi nufuzli oliygohlarga yuboriladi
20:18 / 26.12.2025