«Bir yilda uch marta asal olinadi». Asalarichilikdan millionlar

Andijon viloyati, Jalaquduq tumani «Beshkaram» MFYda 625 ta xonadon bor. Shundan 181 tasi asalarichilik bilan shug‘ullanadi. Ikki oila esa lider tadbirkorlar qatoriga qo‘shilgan.

Erta bahordan boshlangan asalarichilik kech kuzga qadar davom etadi. Bitta qutidan bir mavsum davomida o‘rtacha 25 kilogramm asal olinadi. Bundan tashqari, asalarilarning o‘zi Rossiyaga eksport qilinadi.

«Asalarichilikni birinchi o‘nta yashikdan boshlagan edim. Uch yil davomida 50 ta yashik qildim.

Ish erta bahorda, mart oyida boshlanadi. Kech kuz, noyabr oyigacha ish jarayoni davom etadi.

Asal yozning ikkinchi oyidan to sentabrgacha uch marta olinadi. Biz qadoqlaydigan firmalarga asal yetkazib beramiz. Erta bahorda ari ko‘paytirilib, Rossiyaga sotiladi. Undan ortganini asal mavsumiga tayyorlaymiz», – deydi Vohidjon Xolmirzayev.