Toshkentdan Termizga uchgan samolyot Buxoro aeroportiga yo‘naltirildi
Uzbekistan Airways’ning Toshkentdan Termizga uchgan samolyoti Buxoro aeroportiga yo‘naltirildi. «Novosti Tashkenskogo neba» Telegram-kanali xabar berishicha, HY-065 yo‘lovchi reysi Termiz aeroportidagi noqulay ob-havo sharoiti — kuchli shamol va chang bo‘roni tufayli Buxoro shahridagi zaxira aeroportga yo‘naltirilgan. FlightRadar24 ma’lumotlariga ko‘ra, 11 sentabr kuni soat 7:40 da uchgan samolyot soat 9:00 da Buxoro aeroportiga qo‘ngan.
Uzbekistan Airways matbuot xizmati ham holat yuzasidan ma’lumot berdi.
Aviakompaniya 11 sentabr kuni Toshkent—Termiz yo‘nalishi bo‘yicha HY-065 reysi Termiz shahridagi ob-havo sharoiti (kuchli qum shamoli) tufayli o‘z yo‘nalishini o‘zgartirib, Buxoro xalqaro aeroportiga qo‘nganini tasdiqladi.
Qayd etilishicha, hozirda 124 nafar yo‘lovchi Buxoro xalqaro aeroportida bo‘lib turibdi. Termiz shahrida ob-havo o‘zgarishi bilan HY-065 aviaqatnovi belgilangan yo‘nalish bo‘yicha amalga oshiriladi.
«Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz», — deyiladi xabarda.
Mavzuga oid
19:17 / 25.09.2024
Uzbekistan Airways aviakompaniyasi Airbus samolyotlari parkini kengaytiradi
15:04 / 29.08.2024
Termizda Afg‘oniston bilan savdo va logistika tartibini soddalashtirish maqsadida xalqaro savdo markazi ochildi
15:12 / 27.08.2024
Termizda ilk bor O‘zbekiston va Afg‘oniston klublari xalqaro o‘rtoqlik o‘yinida maydonga tushishdi
18:27 / 19.08.2024