Uzbekistan Airways HY-232 Frankfurt – Toshkent yo‘nalishi bo‘yicha rasmiy xabar berdi.
Foto: Kun.uz
Uzbekistan Airways 2022 yil 15 sentabr kuni rejalashtirilgan HY-232 Frankfurt – Toshkent yo‘nalishi bo‘yicha aviaqatnov havo kemasida vujudga kelgan texnik nosozlik tufayli bekor qilinganini bildirdi.
Qayd etilishicha, barcha yo‘lovchilar Frankfurt shahridagi mehmonxonaga joylashtirilgan. Ushbu holat yuzasidan qo‘shimcha ma’lumot taqdim etiladi.
Keltirilgan noqulayliklar uchun yo‘lovchilar va ularni kutib oluvchilardan uzr so‘ralgan.
