Rossiyadagi safarbarlik: mamlakat bo‘ylab harbiy komissariat binolariga o‘t qo‘yilmoqda

Kaliningrad oblasti. 25 sentabrga o‘tar kechasi Chernyaxovskda harbiy komissariat binosiga yonuvchan modda to‘ldirilgan butilka uloqtirildi. «Molotov kokteyli» alanga olgan, olovni o‘chirishgan. Oblast ma’muriyatidagilar jinoyatchilar «harbiy komissariatga kirishdagi axborot tablichkasini yoqib yuborishgani»ni ma’lum qilgan. Politsiyachilar kelgunicha o‘t qo‘yganlar qochib ketgan.

Mordoviya respublikasi. 25 sentabr tongida Ruzayevka shahridagi harbiy komissariat binosiga deraza orqali ikkita «Molotov kokteyli»ni uloqtirishgan. Xonalardan birida yong‘in chiqqan, yong‘in maydoni bir kvadrat metrni tashkil etgan. Olovni o‘t o‘chiruvchilar kelgunicha o‘chirishgan, hech kim jabrlanmagan.

Leningrad oblasti. 25 sentabr tongida Kirovsk shahrida Leningrad oblasti Kirov rayoni harbiy komissariati binosiga o‘t qo‘yilgan. Yong‘in birinchi qavatdagi 10 kvadrat metrlik xonani qamrab olgan. Qo‘riqchilar yong‘inni o‘chirishgan. 

Volgograd oblasti. 26 sentabrga o‘tar kechasi, Baza ma’lumotiga ko‘ra, Uryupinsk shahrida yashovchi 35 yoshli kishi harbiy komissariat binosiga yonuvchan modda to‘ldirilgan bir necha butilkani uloqtirgan. Uni patrul qo‘lga olgan.

Irkutsk oblasti. 26 sentabr kui Ust-Ilimsk shahrida yashovchi 26 yoshli yigit harbiy komissariat binosida o‘t ochib, harbiy komissarga og‘ir tan jarohati yetkazdi. Gumonlanuvchi qo‘lga olindi.

Irkutskda harbiy komissariatda o‘t ochildi. Harbiy komissar jonlantirish bo‘limida

Ma’muriy binolar («Yedinaya Rossiya» partiyasining bir filiali ham)

Samara oblasti. 22 sentabrga o‘tar kechasi Tolyattida shahar ma’muriyati binosi ayvoni va eshigiga o‘t ketdi. Binoga «Molotov kokteyli» uloqtirilgani taxmin qilingan. Yong‘in maydoni 10 kvadrat metrni tashkil etgan.

Volgograd oblasti. 23 sentabrga o‘tar kechasi Kamishin shahri ma’muriyati binosiga «yonuvchan predmet» uloqtirilgan. Shahar ma’muriyati yong‘indan yetkazilgan zarar jiddiy emasligini bildirgan. O‘t qo‘yishda gumonlanuvchi qo‘lga olingan.

25 sentabr tongida Volgograd yaqinidagi Bereslavka posyolkasida san’at maktabini ham o‘z ichiga olgan Bereslavka qishloq aholi punkti binosiga o‘t qo‘yildi. Bino to‘liq yonib ketgan.

Oltoy o‘lkasi. 23 sentabrga o‘tar kechasi Tselinnoye qishlog‘idagi qishloq kengashi binosi ham joylashgan madaniyat uyida yong‘in chiqdi. Natijada «Rossiya pochtasi» ofisi butkul yonib ketgan, ma’muriyat xonasining shifti yongan. Jabrlanuvchilar yo‘q.

Leningrad oblasti. 25 sentabrga o‘tar kechasi Gatchinskiy rayonidagi Syaskelevskoye qishlog‘i ma’muriyati binosida yong‘in chiqdi. Ijtimoiy himoya bo‘limi xonalaridan biriga yonuvchan modda to‘ldirilgan ikkita butilka uloqtirilgan. Turli manbalarga ko‘ra, yong‘in maydoni 12 yoki 50 kvadrat metrni tashkil etgan. Jabrlanganlar yo‘q. O‘t qo‘yish moddasi bo‘yicha jinoiy ish ochilgan.

Boshqirdiston respublikasi. 24 sentabr tongida Salavat shahrida «Yedinaya Rossiya» partiyasi ofisi yonida avtomobil shinalari yoqib yuborilgan. Bino ichidan besh kishi qochib chiqqan. Hodisa tufayli plastik eshik shikastlangan, hech kim jabrlanmagan.