O‘qituvchilarga sinfdagi o‘quvchilar soniga ko‘ra qo‘shimcha haq to‘lanadi

“Huquqiy axborot” kanalida yozilishicha, sinfdagi o‘quvchilar soniga ko‘ra sinf rahbarligi uchun quyidagi miqdorda qo‘shimcha haq to‘lanadi:

• 15 nafar o‘quvchigacha – 26,4 foiz;
• 16 nafardan 20 nafar o‘quvchigacha – 31,6 foiz;
• 21 nafardan 25 nafar o‘quvchigacha – 36,9 foiz;
• 26 nafardan 30 nafar o‘quvchigacha – 42,1 foiz;
• 31 nafar va undan ko‘p o‘quvchi bo‘lganda – 52,8 foiz.

Qayd etilishicha, daftarlarni va yozma ishlarni tekshirganlik uchun (o‘quvchilar ikki guruhga bo‘lib o‘qitiladigan fanlar bo‘yicha ham) sinfdagi o‘quvchilar soni 15 nafargacha bo‘lganda – 8,8 foiz, 15 nafar va undan ortiq bo‘lganda – 17,6 foiz pul beriladi.

Bundan tashqari, informatika kabineti mudirligi uchun qo‘shimcha haq miqdori – 17,6 foiz.