Tashqi reklama — o‘z tovari va biznesi haqida atrofdagi odamlarga so‘zlab berishning eng qadimgi va eng dolzarb usullaridan biri sanaladi. Digital-reklamaning faol rivojlanishiga va savdoning onlayn shaklga o‘tishiga qaramay, tashqi reklama o‘z dolzarbligini yo‘qotmaydi. Dastlab O‘zbekistonda klassik statik formatlar ustunlik qilgan bo‘lsa, keyingi yillarda multimedia formatlari keng qo‘llana boshlandi. Bundan tashqari, piyodalar va avtomobil harakatlarining keskin o‘sishi kompaniyalarga OOH (out of home) formatlari orqali odamlar bilan muloqot qilish imkonini beradi.
2021 yilgacha qurilmalar soni taxminan 12 000 ni tashkil etgan, shundan 7 000 tasi Toshkent shahriga to‘g‘ri kelgan bo‘lib va O‘zbekistonda klassik bilbordlarni ommaviy demontaj qilish boshlangan va ularning soni 65% ga kamayganiga qaramay, raqamli formatlar ulushi jadal o‘sib bormoqda. 2022 yilda LED ekranlar soni 40% ga oshdi.
Yaqin vaqtgacha tashqi reklama bozorida reklama kampaniyalarini prognoz qilish hamda qamrovni hisoblash uchun hech qanday vosita mavjud emas edi. Ammo yangi texnologiyalar paydo bo‘lishi bilan outdoor-reklama digital-kommunikatsiyaning to‘la huquqli ishtirokchisiga aylandi. O‘zbekistonning Ledokol Group reklama agentligi 2022 yilda tashqi reklama samaradorligini baholashning yangi tizimi – METER'ni joriy qilishni boshladi.
Tizim ushbu ma’lumotlarni tahlil qilish imkonini beradi:
- telekommunikatsiya kompaniyalaridan (mobil aloqa operatorlarining shaxsiylashtirilmagan ma’lumotlari);
- mobil ilovalardan (navigatorlar, o‘yinlar, ijtimoiy tarmoqlar, lifestyle ilovalari va boshqalar);
- Internet DMP'dan profillarni (qiziqishlar, sevimli mashg‘ulotlar, tashrif buyurilgan saytlar/ilovalar).
«O‘zbekiston bozorida tashqi reklama talabgir sanaladi. Uning o‘ziga xosligi uning soddaligida bo‘lib — hamma uning nima ekanligini va qanday ishlashini yaxshi tushunadi. Mijozlarda joylashtirishga ehtiyoj bor, shuning uchun, reklama kampaniyasining samaradorligi ustida ishlayotgan operatorlar hamda agentliklarning nostandart yondashuvlari tufayli sohaga talab bor va u rivojlanishda davom etmoqda. Biroq tashqi reklamaning asosiy muammosi shundaki, uzoq vaqt davomida uning miqyosi o‘lchanmagan edi. Raqamli texnologiyalarning rivojlanishi bilan aniq o‘lchash tizimini yaratish uchun yangi imkoniyatlar paydo bo‘ldi. Ledokol Group reklama agentligi METER AdTesch startapining hamkoriga aylandi. Endilikda, O‘zbekiston tashqi reklama bozorida raqamlar asosida qurilmalarni tanlash, mijozlarga segmentlar bo‘yicha qamrov hisobini taqdim etish, reytinglar bo‘yicha Top'dagi reklama yuzalarini tushunish, issiqlik xaritalarini segmentlar bo‘yicha tahlil qilish hamda, samarali-optimallashtirilgan reklama kampaniyasini o‘tkazish mumkin», - deya sharhladi OOH Ledokol Group bo‘limi rahbari Muzaffarov Sherzod Jo‘rayevich.
