O‘zbekiston kakao va shokoladni asosan Rossiyadan sotib olyapti

2022 yil yanvar-oktabr oylarida O‘zbekiston 44 ta xorijiy davlatdan 38,1 ming tonna kakao va shokolad import qilgan.

Davlat statistika qo‘mitasi ma’lumotlariga ko‘ra, kakao va shokolad importi hajmi o‘tgan yil mos davri bilan solishtirilganda 1,3 ming tonnaga oshgan. 

O‘zbekiston 10 oyda eng ko‘p kakao va shokolad import qilgan davlatlar orasida Rossiya birinchi o‘rinni egallab turibdi – 26,3 ming tonna.

Undan keyingi o‘rinlardan mos ravishda 1,6 ming tonna hamda 1,6 ming tonna kakao va shokolad sotib olingan Niderlandiya hamda Ukraina joy oldi.

Ushbu ko‘rsatkich qolgan davlatlar kesimida quyidagicha ko‘rinishga ega bo‘ldi:

• Polsha – 1,5 ming tonna;
• Turkiya – 1,5 ming tonna;
• Qozog‘iston – 1,4 ming tonna;
• Xitoy – 563 tonna;
• Belarus – 261 tonna;
• Germaniya – 308 tonna;
• Italiya – 148 tonna;
• Fransiya – 134 tonna;
• Shveytsariya – 29 tonna.