O‘zbekistonda AI-80 markadagi benzin narxi 5500 so‘mgacha pasayishi kutilmoqda

O‘zbekiston energetika vaziri o‘rinbosari Sherzod Xo‘jayevning bildirishicha, AI-80 benzini uchun aksiz solig‘i bekor qilinishi natijasida yaqin kunlarda ushbu markadagi benzin narxi 5500 so‘mgacha pasayishi kutilmoqda.

«AI-80 benzini uchun aksiz solig‘i bekor qilinishi AYoQShlarda ushbu markada sotilayotgan yoqilg‘ining narxi 1000-1200 so‘m arzonlashishiga olib kelishi kerak. Bugungi kunda AI-80 benzin narxi 5500 so‘mgacha pasayishi kutilmoqda.

Ta’kidlash joizki, birjaga chiqarilayotgan hajmlar ham ortganligi hamda birjada boshlang‘ich narxdan 5 foizdan ortiq bo‘lmagan holda narx oshishini inobatga olgan holda aytish mumkinki, 5500 so‘mlik narxni yaqin kunlarda ko‘rishimiz mumkin», - deya energetika vaziri o‘rinbosari Sherzod Xo‘jayevning so‘zlarini keltirmoqda Kun.uz muxbiri.

#benzin #AI-80 #energetika