Guruh bo‘lib harakatlangan va yo‘lni to‘sib qo‘ygan yuk mashinalari jarima maydoniga joylashtirilgan, haydovchilarga esa ma’muriy bayonnomalar rasmiylashtirilgan.
Buxoro viloyati IIB YHXB axborot xizmatining xabar berishicha, asli romitanlik bo‘lgan aka-uka haydovchilar kenja ukasining to‘yini esda qolarli qilish uchun yuk mashinalari bilan to‘y kortejiga qo‘shilishgan. Aka-ukalarning bu harakati o‘zlari uchun qimmatga tushdi.
Ma’lum qilinishicha, haydovchilar Buxoro tumani hududidan o‘tgan xalqaro ahamiyatdagi M-37 yo‘lida guruh bo‘lib harakatlanishgan hamda yo‘l harakati qoidalarini qo‘pol ravishda buzib, yo‘lni to‘sib qo‘yishgan. Haydovchilardan birining ta’kidlashicha, ular bu harakatlari noto‘g‘ri ekanligini bilishmagan.
Aka-uka haydovchilarga nisbatan ma’muriy bayonnomalar rasmiylashtirilib, yuk mashinalari jarima maydoniga joylashtirilgan.