18:31 / 23.12.2022
72285
2023 йилдаги қўшимча дам олиш кунлари белгиланди

Янги йил кунларидаги дам олиш 3-4 кун давом этади: 31 декабр – ҳафтасига 6 кун ишловчилар учун қўшимча дам олиш куни; 1 январ – якшанба; 2 январ – барча учун қўшимча дам олиш куни; 3 январ – ҳафтасига олти кун ишловчилар учун қўшимча дам олиш куни, ҳафтасига 5 кун ишловчилар учун эса 7 январ (шанба)дан кўчирилган дам олиш куни.

2023 йилдаги қўшимча дам олиш кунларини белгилаш бўйича Президент фармони эълон қилинди.

Унга кўра, келаси йили иш ҳафтасининг туридан қатъи назар барча ходимлар учун қўшимча дам олиш куни бўлади:

  • 2 январь – душанба;
  • 30 июнь – жума.

Олти кунлик иш ҳафтасида ишлайдиган ходимлар учун қўшимча дам олиш кунлари:

  • 3 январь – сешанба;
  • 20 март – душанба;
  • 22 март – чоршанба;
  • 24 апрель – душанба;
  • 1 июль – шанба;
  • 2 сентябрь – шанба;
  • 30 декабрь – шанба.

Беш кунлик иш ҳафтасида ишлайдиган ходимлар учун дам олиш кунлари қуйидаги тартибда кўчирилади:

  • 7 январь – шанба кунидан 3 январь – сешанба кунига;
  • 11 март – шанба кунидан 20 март – душанба кунига;
  • 25 март – шанба кунидан 22 март – чоршанба кунига;
  • 29 апрель – шанба кунидан 24 апрель – душанба кунига.
Top