Jumladan, viloyat hokimligi va viloyat prokuraturasi, viloyat oila va xotin-qizlar boshqarmasi, viloyat favqulodda vaziyatlar boshqarmasi, viloyat madaniyat boshqarmasi va Ko‘kdala tumani hokimligi hamkorligida “Farovon va baxtli oila – jamiyat ravnaqi” mavzusidagi uch avlod vakillari uchrashuvi o‘tkazildi.
Uchrashuvda O‘zbekiston Qahramoni, turli sohalarda fidokorona mehnat qilib el-yurt hurmatini qozongan faxriylar, nuroniylar, Zulfiya nomidagi Davlat mukofoti sohibalari, sportchi qizlar, deputatlar, davlat va jamoat tashkilotlari vakillari, faol yoshlar ishtirok etdi. Viloyatimizda 2 650 nafar rahbar ayollar faoliyat ko‘rsatmoqda. 28 nafar Zulfiya nomidagi Davlat mukofoti sovrindorlari, 68 nafar “Mo‘tabar ayol” ko‘krak nishon sohibalari bor.
Tadbirni viloyat hokimi Murotjon Azimov kirish so‘zi bilan ochib, nuroniy onaxonlarimizning boy tajribasi, o‘rta avlod vakillarining mehnati, yosh avlodning shijoati birgalikda katta kuch bo‘lishi, uch avlodning mamlakatimiz taraqqiyotidagi o‘rnini alohida e’tirof etdi. Bu kabi uchrashuvlardan maqsad - yoshlarga xos kuch-g‘ayrat, o‘rta va keksa avlod vakillarining boy hayot maktabi birlashishini ta’kidladi.
Tadbir san’atkorlarning katta konserti bilan davom etdi. Yakunda tumandagi ehtiyojmand, ijtimoiy himoyaga muhtoj oila vakillariga bayram sovg‘alari ulashildi.
Viloyatda “Obod qishloq” va “Obod mahalla” dasturlari doirasida 26 ta qishloq va 4 ta mahallaning arxitektura qiyofasi tubdan yaxshilanib, hududlari obodonlashtiriladi hamda aholi turmush darajasini oshirish uchun barcha manbalar hisobidan ajratiladigan 460 milliard so‘m mablag‘ sarflanadi. Jumladan, mahalliy budjetdan 87,7 mlrd so‘m mablag‘ “Obod qishloq” jamg‘armasiga o‘tkazib berildi.
Dasturlar doirasida 574 km ichimlik suvi tarmoqlari va 24 ta suv inshootlari qurildi va ta’mirlandi (109,7 mlrd so‘m), 582,7 km ichki yo‘llar ta’mirlandi (181,4 mlrd so‘m), 422,3 km elektr tarmoqlari va 55 ta transformatorlar o‘rnatildi (52,4 mlrd so‘m), 551 ta suyultirilgan gaz ballonlari tarqatildi (220,0 mln so‘m), 148 km aloqa tarmoqlari (2,8 mlrd so‘m) yangidan qurildi va modernizatsiya qilindi, 23,8 km piyodalar yo‘laklari qurilib, 636 ta tungi ko‘cha yoritish chiroqlari o‘rnatildi (6,9 mlrd so‘m).
