Rasul Kusherbayev deputatlik faoliyatini yakunlamoqda

Oliy Majlis Qonunchilik palatasi deputati Rasul Kusherbayev o‘z mandatini topshirmoqchi.

«Deputatlik faoliyatimni yakunlashga qaror qildim. Bunday ishlay olmas ekanman. Bunga majbur bo‘lganimdan afsusdaman.

Ishonch bildirgan, qo‘llab-quvvatlagan barchaga rahmat! Rozing bo‘linglar! Nasib qilsa qolganini vaqt ko‘rsatadi. Alloh madadkor bo‘lsin!» - deb yozgan deputat telegram-kanalida.

Shuningdek, u tvitterdagi sahifasida Qonunchilik palatasi spikeri o‘rinbosari Ulug‘bek Inoyatov unga budjet loyihasi muhokamalarida ochiqchasiga so‘z bermaganini ma’lum qilgan.

«Bu safargi budjet muhokamalarida ishtirok etmadim. Katta hajmdagi loyihani o‘qishga ham yetarli vaqt berilmadi. 1-o‘qishda yalpi majlisda so‘z so‘rasam, "zamspiker" Ulug‘bek Inoyatov ochiqchasiga so‘z bermadi. So‘ng majlisdan chiqib ketdim va kirmadim.

Deputatlarning og‘zini yopadigan "zamlar"ning boridan yo‘g‘i yaxshi», - deydi Kusherbayev.