28 dekabr kuni yerusti metro liniyasida poyezdlar harakati yangi bekatlarning qurilish va ta’mirlash ishlari yakunlanmagani uchun 05:00 dan emas, 07:10 dan kechikib boshlandi. Qayd etilishicha, 29 dekabrdan metro poyezdlari har doimgidek 5:00 dan ishini boshlaydi.
Foto: Kun.uz
“Toshkent metropoliteni” DUKning xabar qilishicha, qurilish, ta’mirlash ishlari tungi belgilangan vaqt oralig‘ida bajarilishi rejalangani uchun “Yerusti halqa yo‘li” metro yo‘nalishidagi harakat belgilangan tartibda yo‘lga qo‘yilmagan.
“Hozirda mavjud metro yo‘nalishlarida poyezdlar belgilangan jadval asosida harakatini davom ettirmoqda.
Ta’kidlab o‘tish lozimki, ertadan boshlab "Yerusti halqa yo‘li" yo‘nalishi 05:00 dan 23:00 gacha yo‘lovchilarga xizmat ko‘rsatadi”, – deyiladi rasmiy izohda.
Eslatib o‘tamiz, 16 dekabrdan yerusti metro liniyasining ishlash vaqti cheklanib, poyezdlar 23:00 gacha harakatlanishi ma’lum qilingandi.
