“Bir maktabda uch nafar o‘qituvchi 11 mln so‘m maosh olibdi, o‘ttiz nafari shuncha olsa ham qarshiligimiz yo‘q” – prezident

“Mana, shu tadbirda ishtirok etayotgan o‘qituvchi bir maktabda uch nafar o‘qituvchi 11 mln so‘m maosh olayotgani aytdi. Xo‘sh, aytinglarchi, xuddi shu maktabda 30 nafar o‘qituvchi yetarlicha ishlab, shuncha maosh olishsa, biz qarshi bo‘lamizmi? Aksincha, men faqat xursand bo‘laman.

Men ko‘p ta’kidlayman – agar yurishdan sekinlashsak, o‘tirgimiz keladi. O‘tirsak yotgimiz keladi, yotsak uyqumiz keladi. Shu tarzda rivojlantishdan ortda qolib ketamiz. Ayniqsa siz o‘qituvchilar jamiyatdan ortda qolmasligingiz kerak” – dedi prezident.

Shuningdek, davlat rahbari maktablarda ingliz tilidan tashqari boshqa xorijiy tillarga ham e’tibor berish, nutq madaniyatini o‘rgatish bo‘yicha takliflarni ham qo‘llab-quvvatladi.