Наманган вилоятининг Косонсой туманидаги хонадонлардан бирида икки киши ўлимига сабаб бўлган ёнғин рўй берди. Вилоят ФВБ матбуот хизматининг хабар қилишича, ёнғин 2023 йил 1 январ куни соат 5:00 да Косонсой тумани «Навбаҳор» МФЙ ҳудудидаги хонадонларнинг бирида содир бўлган. Оқибатда уйнинг шифт қисмидан 20 квадрат метр жойи ҳамда уй жиҳозлари ёниб зарарланган.
Ёнғин вақтида хонадон эгасининг ўғли — 1994 йилда туғилган эркак ва унинг турмуш ўртоғи, 1995 йилда туғилган аёлнинг куйган ҳолдаги жасади топилган.
Ҳозирда ҳолат юзасидан терговга қадар суриштирув ишлари олиб борилмоқда.
31 декабрдан 1 январга ўтар кечаси Наманган вилоятининг Чуст, Наманган ва Норин туманларида ҳам ёнғинлар юз берган. Бу ҳолатларда қурбонлар йўқ.
— Муаллиф фикри таҳририят нуқтаи назарини ифода қилмаслиги мумкин.
— Таҳририят бу мавзу бўйича иккинчи томоннинг фикрларига ҳам минбар беришга тайёр
