BMT jamg‘armasi: O‘zbekiston qishloq aholisi hayotini yaxshilashga jiddiy e’tibor qaratiladi

Uning so‘zlariga ko‘ra, iqlim o‘zgarishi, oziq-ovqat narxlarining oshishi va qashshoqlikning kuchayishi kabi umumbashariy tahdidlar sharoitida O‘zbekiston prezidenti tomonidan 2023 yilga mo‘ljallangan dasturda belgilangan to‘rtinchi ustuvor yo‘nalish – qishloq xo‘jaligini diversifikatsiya qilish, qishloq obodligi va suvdan foydalanish samaradorligini oshirishga investitsiya kiritish juda dolzarb ahamiyatga ega.

Rimda Xalqaro jamg‘arma Ijroiya kengashi yig‘ilishda O‘zbekiston bilan 2023-2027 yillarga mo‘ljallangan 600 million dollar miqdoridagi mamlakat dasturi ko‘rib chiqildi. Ushbu dastur doirasida kelgusi 5 yil davomida qishloq aholisi, xususan, dehqonlar, ayollar va yoshlar hayotini yaxshilashga sarmoyalar yo‘naltiriladi.

Global inqirozlarning mintaqaga ta’siri kuchayib borayotgan bir sharoitda Xalqaro jamg‘arma dasturi fermerlar uchun raqobatbardosh bozorlarga kirish imkoniyatlarini yaxshilashga, innovatsiyalar joriy etishga va iqlim o‘zgarishiga chidamlilikni kuchaytirishga yo‘naltirilgan. Shuningdek, ushbu dasturda gender tengligini ta’minlash uchun ayollar faolligini oshirish choralari ko‘riladi. Yoshlar ulushi kamida 30 foizni tashkil qiladi. Bunda asosiy e’tibor qishloq tadbirkorligiga va raqamli texnologiyalardan keng foydalanishga qaratiladi.