O‘zbekiston qiymati 2 mln AQSh dollarlik anjir eksport qilgan.
Foto: Kun.uz
2022 yilning yanvar-noyabr oylarida O‘zbekiston 9 ta davlatga qiymati 2 mln AQSh dollariga teng bo‘lgan 7,2 ming tonna anjir eksport qilgan.
Davlat statistika qo‘mitasi ma’lumotlariga ko‘ra, anjir eksporti 2021 yilning mos davri bilan solishtirilganda 6,7 ming tonnaga oshgan.
2022 yilning 11 oyida O‘zbekiston eng ko‘p anjir eksport qilgan davlatlar orasida Qozog‘iston birinchi o‘rinni egalladi – 6,9 ming tonna.
Ushbu ko‘rsatkich qolgan davlatlar kesimida quyidagicha ko‘rinish oldi:
- Rossiya – 189 tonna;
- Qirg‘iziston – 84 tonna;
- Belarus R. – 4,1 tonna;
- BAA – 1,3 tonna.
2022 yilning 11 oyida xorijga eng ko‘p anjir eksport qilgan hududlar:
- Xorazm viloyati – 2,7 ming tonna;
- Surxondaryo viloyati – 2,6 ming tonna;
- Namangan viloyati – 1,1 ming tonna.
