Erkin Muhiddinov / Foto: Kun.uz
Kambag‘allikni qisqartirish va bandlik vazirligi rahbariyatida lavozim tayinlovlari amalga oshirildi.
Prezident qarori bilan:
- Erkin Muhiddinov Kambag‘allikni qisqartirish va bandlik vazirining o‘rinbosari lavozimiga;
- Jamshid Abruyev Kambag‘allikni qisqartirish va bandlik vazirining o‘rinbosari lavozimiga;
- Ra’no Turdiboyeva Kambag‘allikni qisqartirish va bandlik vazirining o‘rinbosari lavozimiga (avval Oila va hotin-qizlar davlat qo‘mitasi raisining o‘rinbosari edi);
- Mirzohid Ubaydullayev Kambag‘allikni qisqartirish va bandlik vazirligi huzuridagi Mahallabay ishlash va tadbirkorlikni rivojlantirish agentligi direktori lavozimiga;
- Ozoda Parpiboyeva Kambag‘allikni qisqartirish va bandlik vazirligi huzuridagi Oila va xotin-qizlar qo‘mitasi raisi lavozimiga tayinlandi.
Bundan tashqari:
- Bahodir Umrzoqov boshqa ishga o‘tishi munosabati bilan Bandlik va mehnat munosabatlari vazirining o‘rinbosari lavozimidan;
- Sodiq Turdiyev boshqa ishga o‘tishi munosabati bilan Mahalla va nuroniylarni qo‘llab-quvvatlash vazirining birinchi o‘rinbosari lavozimidan;
- Abdulla Tursunov boshqa ishga o‘tishi munosabati bilan Mahalla va nuroniylarni qo‘llab-quvvatlash vazirining o‘rinbosari lavozimidan;
- Muxtor Muhiddinov boshqa ishga o‘tishi munosabati bilan Mahalla va nuroniylarni qo‘llab-quvvatlash vazirining o‘rinbosari lavozimidan;
- Nodira Egamberdiyeva boshqa ishga o‘tishi munosabati bilan Oila va xotin-qizlar davlat qo‘mitasi raisining o‘rinbosari lavozimidan ozod etildi.
Avvalroq uchta vazirlik – Iqtisodiy taraqqiyot va kambag‘allikni qisqartirish vazirligi, Bandlik va mehnat munosabatlari vazirligi, Mahalla va nuroniylarni qo‘llab-quvvatlash vazirligi negizida tashkil etilgan Kambag‘allikni qisqartirish va bandlik vazirligi rahbarligi SSVdan ketgan Behzod Musayev boshqaruviga o‘tgandi.
